ជំពូកទី១៣៩
លោកយេស៊ូធ្វើឲ្យមានសួនឧទ្យានឡើងវិញ ហើយបញ្ចប់ភារកិច្ចរបស់លោក
-
លទ្ធផលរបស់ចៀមនិងពពែ
-
មនុស្សជាច្រើននឹងរីករាយរស់នៅក្នុងសួនឧទ្យាននៅផែនដី
-
លោកយេស៊ូបង្ហាញថាលោកជាផ្លូវ ជាសេចក្ដីពិត ជាជីវិត
មិនយូរក្រោយពីលោកយេស៊ូបានទទួលការជ្រមុជទឹក សត្រូវរបស់លោកបានព្យាយាមធ្វើឲ្យលោកបរាជ័យ ទោះបីជាលោកមិនទាន់ចាប់ផ្ដើមកិច្ចបម្រើព្រះក៏ដោយ។ ពិតណាស់ មេកំណាចបានព្យាយាមល្បួងលោកយេស៊ូម្ដងហើយម្ដងទៀត។ ក្រោយមក លោកយេស៊ូមានប្រសាសន៍អំពីមេកំណាចនោះថា៖ «អ្នកគ្រប់គ្រងពិភពលោកនេះជិតមកដល់ហើយ។ អ្នកនោះមិនមានអំណាចលើខ្ញុំទេ»។—យ៉ូហាន ១៤:៣០
ក្រោយមក សាវ័កយ៉ូហានបានឃើញទុកជាមុននូវការបើកបង្ហាញឲ្យឃើញក្នុងគំនិត ស្តីអំពីអ្វីដែលនឹងកើតឡើងចំពោះ«នាគដ៏ធំ គឺពស់ដំបូងបង្អស់ ជាអ្នកដែលត្រូវហៅថាមេកំណាចនិងសាថាន»។ សត្រូវដ៏អាក្រក់នេះរបស់មនុស្សជាតិនឹងត្រូវបោះទម្លាក់ពីស្ថានសួគ៌ ពេលនោះវា«មានកំហឹងយ៉ាងខ្លាំង ដោយដឹងថាវាមានពេលតែបន្ដិចបន្តួច»។ (ការបើកបង្ហាញ ១២:៩, ១២) គ្រិស្តសាសនិកពិតមានមូលហេតុត្រឹមត្រូវឲ្យជឿថាពួកគេកំពុងរស់នៅក្នុងគ្រាដែលមាន«ពេលតែបន្ដិចបន្តួច» ហើយឆាប់ៗនេះ«នាគដ៏ធំ គឺពស់ដំបូងបង្អស់» នឹងត្រូវទម្លាក់ទៅក្នុងទីជ្រៅបំផុត។ ពេលនោះវានឹងលែងមានសកម្មភាពអស់រយៈពេល១.០០០ឆ្នាំ កាលដែលលោកយេស៊ូគ្រប់គ្រងក្នុងរាជាណាចក្ររបស់ព្រះ។—ការបើកបង្ហាញ ២០:១, ២
ក្នុងអំឡុងពេលនោះ តើនឹងមានអ្វីកើតឡើងនៅផែនដីដែលជាលំនៅរបស់មនុស្សយើង? តើអ្នកណានឹងរស់នៅផែនដី ហើយតើពួកគេនឹងរស់នៅក្រោមស្ថានភាពបែបណា? លោកយេស៊ូប្រាប់ចម្លើយចំពោះសំណួរទាំងនេះដោយខ្លួនលោកផ្ទាល់។ ក្នុងឧទាហរណ៍របស់លោកស្តីអំពីចៀមនិងពពែ លោកបានបង្ហាញអំពីអនាគតរបស់មនុស្សសុចរិតដែលមានលក្ខណៈដូចចៀម ដែលបានសហការជាមួយនឹងបងប្អូនរបស់គ្រិស្តព្រមទាំងប្រព្រឹត្តល្អចំពោះពួកគាត់។ បន្ថែមទៅទៀត លោកក៏បានបញ្ជាក់យ៉ាងច្បាស់អំពីអនាគតរបស់អស់អ្នកដែលមិនបានប្រព្រឹត្តល្អចំពោះបងប្អូនរបស់គ្រិស្ត ពោលគឺអ្នកដែលមានលក្ខណៈដូចពពែ។ លោកយេស៊ូមានប្រសាសន៍ថា៖ «អ្នកទាំងនោះ[ពពែ]នឹងទទួលសេចក្ដីស្លាប់ជារៀងរហូត តែមនុស្សសុចរិត[ចៀម]នឹងបានជីវិតដែលគ្មានទីបញ្ចប់»។—ម៉ាថាយ ២៥:៤៦
ឧទាហរណ៍នេះជួយយើងឲ្យយល់អំពីអ្វីដែលលោកយេស៊ូបានមានប្រសាសន៍ទៅកាន់ឧក្រិដ្ឋជនម្នាក់ដែលបានត្រូវព្យួរនៅក្បែរលូកា ២៣:៤៣) នេះមានន័យថា បុរសនោះមានសេចក្ដីសង្ឃឹមរស់នៅក្នុងសួនឧទ្យាន។ ដូច្នេះ នៅសព្វថ្ងៃនេះ អស់អ្នកដែលបង្ហាញថាពួកគេមានលក្ខណៈដូចចៀម ដែល«នឹងបានជីវិតដែលគ្មានទីបញ្ចប់» ក៏នឹងរស់នៅក្នុងសួនឧទ្យាននោះដែរ។
លោក។ លោកយេស៊ូមិនបានផ្ដល់ឲ្យបុរសនោះនូវរង្វាន់ដែលដូចគ្នានឹងរង្វាន់ដែលពួកសាវ័កស្មោះត្រង់របស់លោកនឹងទទួលនោះទេ ពីព្រោះរង្វាន់ដែលពួកគាត់នឹងទទួលគឺជាការរួមចំណែកក្នុងរាជាណាចក្រស្ថានសួគ៌។ ផ្ទុយទៅវិញ លោកយេស៊ូបានសន្យាចំពោះអ្នកប្រព្រឹត្តអាក្រក់ដែលបានប្រែចិត្តនោះថា៖ «ខ្ញុំប្រាប់អ្នកការពិតនៅថ្ងៃនេះថា អ្នកនឹងនៅជាមួយនឹងខ្ញុំក្នុងសួនឧទ្យាន»។ (នេះស្របគ្នានឹងអ្វីដែលសាវ័កយ៉ូហានបានពន្យល់ស្តីអំពីស្ថានភាពដែលនឹងមាននៅទូទាំងផែនដី។ គាត់និយាយថា៖ «ត្រសាលរបស់ព្រះនៅជាមួយនឹងមនុស្សជាតិ ហើយលោកនឹងអាស្រ័យនៅជាមួយនឹងពួកគេ ឯពួកគេនឹងធ្វើជារាស្ត្ររបស់លោក។ ហើយព្រះនឹងនៅជាមួយនឹងពួកគេដោយខ្លួនលោកផ្ទាល់។ លោកនឹងជូតអស់ទាំងទឹកភ្នែកចេញពីភ្នែករបស់ពួកគេ ហើយសេចក្ដីស្លាប់នឹងលែងមានទៀត ទុក្ខព្រួយ ការស្រែកយំ និងការឈឺចាប់ក៏នឹងលែងមានទៀតដែរ។ អ្វីៗដែលធ្លាប់កើតឡើងពីមុន នោះបានកន្លងបាត់អស់ហើយ»។—ការបើកបង្ហាញ ២១:៣, ៤
ឧក្រិដ្ឋជនម្នាក់នោះនឹងត្រូវប្រោសឲ្យរស់ឡើងវិញ ដើម្បីគាត់អាចរស់នៅក្នុងសួនឧទ្យាន។ ប៉ុន្តែ មិនមែនមានតែគាត់ប៉ុណ្ណោះទេដែលនឹងត្រូវប្រោសឲ្យរស់ឡើងវិញ។ លោកយេស៊ូបញ្ជាក់អំពីរឿងនេះយ៉ាងច្បាស់ពេលដែលលោកមានប្រសាសន៍ថា៖ «នឹងមានវេលាមកដល់ ដែលអស់អ្នកនៅក្នុងផ្នូរដែលសម្រាប់ជាទីរំលឹក នឹងឮសំឡេងរបស់លោក ហើយចេញមក អស់អ្នកណាដែលបានប្រព្រឹត្តការល្អ អ្នកទាំងនោះនឹងរស់ឡើងវិញហើយបានជីវិត ឯអស់អ្នកណាដែលបានប្រព្រឹត្តការអាក្រក់ជាទម្លាប់ អ្នកទាំងនោះនឹងរស់ឡើងវិញហើយទទួលការកាត់ទោស»។—យ៉ូហាន ៥:២៨, ២៩
ប៉ុន្តែ ចុះយ៉ាងណាចំពោះពួកសាវ័កស្មោះត្រង់និងអ្នកកាន់តាមលោកយេស៊ូមួយចំនួនតូចផ្សេងទៀតដែលនឹងនៅជាមួយនឹងលោកនៅស្ថានសួគ៌? គម្ពីររៀបរាប់ថា៖ «ពួកគេនឹងធ្វើជាសង្ឃរបស់ព្រះនិងរបស់គ្រិស្ត ក៏នឹងគ្រប់គ្រងជាស្តេចជាមួយនឹងលោកអស់មួយពាន់ឆ្នាំ»។ (ការបើកបង្ហាញ ២០:៦) អស់អ្នកដែលនឹងគ្រប់គ្រងជាមួយនឹងគ្រិស្ត គឺជាបុរសនិងស្ត្រីដែលធ្លាប់រស់នៅផែនដី។ ហេតុនេះ ពួកគាត់នឹងទៅជាអ្នកគ្រប់គ្រងដែលចេះអាណិតមេត្ដានិងចេះយល់អារម្មណ៍របស់មនុស្សដែលនៅផែនដី។—ការបើកបង្ហាញ ៥:១០
លោកយេស៊ូនឹងផ្ដល់ប្រយោជន៍នៃថ្លៃលោះដល់មនុស្សជាតិដែលនៅផែនដី ហើយលោកនឹងបំបាត់ចោលនូវទុក្ខវេទនាដែលមកពីភាពខុសឆ្គង។ លោកនិងអស់អ្នកដែលគ្រប់គ្រងជាមួយនឹងលោកនឹងជួយមនុស្សស្មោះត្រង់ឲ្យមានភាពល្អឥតខ្ចោះ។ មនុស្សជាតិនឹងមានជីវិតដ៏រីករាយដូចគោលបំណងដើមរបស់ព្រះ កាលដែលលោកបានប្រាប់អាដាមនិងអេវ៉ាថា ចូរបង្កើតកូនឲ្យមានពេញពាសលើផែនដី។ នៅពេលនោះ សូម្បីតែសេចក្ដីស្លាប់ដែលបណ្ដាលមកពីភាពខុសឆ្គងរបស់អាដាមក៏នឹងលែងមានទៀតដែរ!
ហេតុនេះ លោកយេស៊ូនឹងសម្រេចកិច្ចការទាំងអស់ដែលព្រះយេហូវ៉ាបានប្រាប់លោកឲ្យធ្វើ។ រួចមក នៅទីបញ្ចប់នៃការគ្រប់គ្រង១.០០០ឆ្នាំ លោកយេស៊ូនឹងប្រគល់រាជាណាចក្រនិងក្រុមគ្រួសារមនុស្សជាតិដ៏ល្អឥតខ្ចោះទៅឲ្យបិតារបស់លោកវិញ។ លោកនឹងសម្រេចកិច្ចការទាំងនេះដោយចិត្តរាបទាប ដូច្នេះសាវ័កប៉ូលបានសរសេរថា៖ «ក្រោយពីព្រះបានធ្វើឲ្យអ្វីៗទាំងអស់ចុះចូលចំពោះបុត្ររបស់លោក បុត្រនោះនឹងចុះចូលចំពោះព្រះដែលបានធ្វើឲ្យអ្វីៗទាំងអស់ចុះចូលចំពោះបុត្រនោះ ដើម្បីឲ្យព្រះធ្វើជាអ្វីៗទាំងអស់ដល់មនុស្សទាំងអស់»។—កូរិនថូសទី១ ១៥:២៨
ច្បាស់ណាស់ លោកយេស៊ូមានតួនាទីយ៉ាងសំខាន់ក្នុងការសម្រេចគោលបំណងដ៏រុងរឿងរបស់ព្រះ។ បន្ថែមទៅទៀត កាលដែលគោលបំណងរបស់ព្រះនឹងបន្តសម្រេចជារៀងរហូត នោះលោកយេស៊ូនឹងបំពេញតួនាទីរបស់លោកយ៉ាងពេលលេញស្របតាមអ្វីដែលលោកបានរៀបរាប់អំពីខ្លួនលោកថា៖ «ខ្ញុំជាផ្លូវ ជាសេចក្ដីពិត និងជាជីវិត»។—យ៉ូហាន ១៤:៦