ITERA 1
Ni Karokoa Ana Mwakuri ni Minita Iesu
“E na kakannato.”—Ruka 1:32
N TE MWAKORO AEI
MWAKORO 1
Rongorongo Aika Uoua Mairoun te Atua
E karokoi rongorongo te anera ae Kabiriera ake e kangaanga kakoauaaia.
MWAKORO 2
E Karineaki Iesu Imwaini Bungiakina
E kangaa Eritabeta ao natina are tuai bungia ni karinea Iesu?
MWAKORO 3
E a Bungiaki te Tia Katauraoa te Kawai
N te tai are e okira iai arona Tekaria ni kona n taetae n te aro ni kakai, e a taekina te taetae ni burabeti ae kakawaki.
MWAKORO 4
E Bikoukou Maria ma Akea Buuna
E kakoauaa Ioteba ngke e taekinna Maria bwa e aki bikoukou iroun te mwaane temanna, ma rinanon te taamnei ae raoiroi?
MWAKORO 6
Te Teei Are Beritanaki
A taetae ni burabetiia taekan Iesu n te tai ae e na roko uoman kaara aika I-Iteraera n uotakin Iesu nakon te tembora iroun Ioteba ao Maria.
MWAKORO 7
A Kawara Iesu Taani Kaiwan Itoi
Bukin tera ngke e aki moani kairiia te itoi are a noria i Mainiku nakon Iesu, ma e kairiia nakon te Uea ae Erote are te tia tiritiri?
MWAKORO 8
A Birinako Mairoun te tia Kairiri ae Buakaka
A kakoroaki bukin taetae ni burabeti aika tenua n te Baibara ibukin te Mesia ni maiun Iesu ngke e uarereke.
MWAKORO 10
A Mwananga Ana Utu Iesu Nako Ierutarem
E bwara nanon Ioteba ao Maria ngke e a aki kona n reke Iesu, ma e mimi irouia ngke a aki waekoa n ataa te tabo ae e na mena iai.
MWAKORO 11
E Katauraoa te Kawai Ioane te tia Bwabetito
Ngke e kawaraki Ioane irouia Baritaio ao Tarukaio ao e boni kabuakakaia. Bukin tera?
