SECCIÓN 4
Judean qhep qhepa yatiyäwipa
“Khititï cosecha apthapiyaski ukar mayipjjam, trabajirinak yapupar khitaniñapataki” (Lucas 10:2).
AKA SECCIONANJJA AKA YATICHÄWINAKAW UTJI
66 YATICHÄWI
Tabernáculo fiestanwa yatichäna
¿Kunatsa Jesusar istʼapkäna uka jaqenakajja, Jesusajj demonionïpachaw sasin amuyapjjpachäna?
67 YATICHÄWI
“Janipuniw khitis ukham parlirïkiti”
Religión pʼeqtʼirinakatjja niya taqeniw Jesús contrajj saytʼasipjjäna, ukampis mayniw jan ajjsartʼas Jesusar arjjatäna.
68 YATICHÄWI
“Akapachan qhanapätwa” sasaw Jesusajj säna
Jesusajj ‘kunatï cheqäki ukaw libre jakasiñ churapjjätam’ sasaw säna. ¿Kunat librëñatsa parläna?
69 YATICHÄWI
¿Khitïnsa jupanakan awkipajja?
Jesusajj kunjamatsa Abrahanan wawanakaparu uñtʼasispa ukwa qhanañchäna, khitis awkipajja uk kunjamatsa yatipjjaspa uksa qhanañcharakïnwa.
70 YATICHÄWI
Jesusajj nasïwitpach juykhu jaqeruw qolläna
Discipulonakajj ¿kunatsa uka jaqejj juykhu nasïna? sasaw Jesusar jisktʼapjjäna. ¿Juykhu nasiñapatakejj khitis juchanïpacha, jupati jan ukajj awk taykapacha? Jesusajj uka jaqer qolläna ukhajja, jaqenakajj may maywa parlapjjäna.
71 YATICHÄWI
Fariseonakajj juykhükän uka jaqeruw jisktʼapjjäna
Juykhükäna uka jaqen arsutapajj fariseonakar colerayänwa. Juykhükäna uka jaqen awk taykapajj sinagogat jaqsuyasiniwa sasaw wawapat ajjsarapjjäna, ukampis wawapar sinagogat jaqsupjjänwa.
72 YATICHÄWI
Jesusajj 70 discipulonakaparuw yatiyir khitäna
Judeanjja, 70 discipulonakaruw panin panini Jesusajj Reinot yatiyapjjañapatakejj khitäna. ¿Kawkinakansa yatiyapjjäna, sinagoganakanti jan ukajj utanakancha?
73 YATICHÄWI
Mä samaritanojj jaqe masiparuw yanaptʼäna
¿Kunjamsa Jesusajj khuyaptʼayasir mä samaritanot parlasajj mä suma yatichäwi qhanañchäna?
74 YATICHÄWI
Visitanakar katoqtʼañampi oracionampi
Jesusajj Mariampiru Martampiruw visitäna. ¿Visitanakar katoqañat kamsänsa? Qhepatjja ¿kunjamsa orasiñ toqet yatichäna?
75 YATICHÄWI
¿Kunjamatsa cheqpach kusisitässna?
Jesusajj jupa contrapkäna uka jaqenakarojj “Diosan lukʼanapata” ukhamarak ‘kunjamsa Diosan Reinopajj jupanakar katji’ uka toqetwa parläna. Ukatjja kunjamsa cheqpach kusisiñ jikjjatsna ukwa qhanañcharakïna.
76 YATICHÄWI
Mä fariseon utapanwa manqʼäna
Jesusajj kʼari chuymanïpjjatapatwa fariseonakar juchañchäna. ¿Kuna jathi qʼepimpisa jaqenakar apjjatapjjäna?
77 YATICHÄWI
Jesusajj qamirïñ toqetwa ewjjtʼäna
Jesusajj parlkäna uka uñachtʼäwinjja, mä qamir jaqejj jukʼamp jachʼa manqʼa imañ utanakwa lurayäna. Kunatsa wali utjirinïñ munañajj jan waliki ukwa yateqtanjja.
78 YATICHÄWI
Wakichtʼat suma phoqeri mayordomo
Jesusajj discipulonakapajj Diosampi sum apasipjjaspa ukatwa jilpach llakisïna. ¿Kunsa mayordomojj lurañapäna? Jesusajj ‘wakichtʼatäpjjañama’ sasaw säna, ¿kunatsa uka ewjjtʼapajj wali wakiskirejja?
79 YATICHÄWI
¿Kunatsa tʼunjatäñapajj wakisïna?
Jesusajj juchanakapat arrepentisipjjañapatakiw jaqenakar yatichaskäna, ukhamat jan tʼunjatäpjjañapataki. Jaqenakajja, ¿Dios nayraqatan kunjamasipkänsa uk amuyasipjjpachänti?
80 YATICHÄWI
Mä suma awatirimpi ovejanakampi
Kunjamsa awatirejj ovejanakaru irpnaqe ukajja, kunjamsa Jesusajj discipulonakapar uñji ukwa amuytʼayistu. ¿Jesusan yatichäwinakap amuyasin arkapjjpachäniti?
81 YATICHÄWI
Awkimpejj mayakïkchisa, janiw Diosäkiti
Yaqhep judionakajja Diosäkasmas ukham tuktajja sasaw Jesusar kʼarintapjjäna, ukampis ¿kunjamsa Jesusajj jupanakar amuytʼayäna?
