ICIPANDE 4
Umulimo uo Yesu Abombele mu Yudea
“Lombeni Umwine wa Kulobolola ukuti atume Ababomfi.”—Luka 10:2
MULI ICI CIPANDE
ICIPANDWA 66
Yesu Asangwa ku Mutebeto wa Nsakwe mu Yerusalemu
Finshi Yesu alandile ifyalengele abantu ukusosa ati aali ne cibanda?
ICIPANDWA 67
“Takwatala Akuba Nangu umo Uulanda ngo yu Muntu”
Nga kukonka, aba mu cilye cikalamba ica baYuda bonse balikeene ukutetekela Yesu, lelo umo pali bena alilandiileko Yesu.
ICIPANDWA 68
Umwana wa kwa Lesa “Lubuuto lwa Calo”
Yesu atile “icine cikamulenga ukuba abantungwa.” Abantungwa kuli finshi?
ICIPANDWA 69
Bushe Shibo ni Abrahamu Nangu ni Satana Kaseebanya?
Yesu alandile pa fya kwishibilako abana ba kwa Abrahamu, e lyo na pali Wishi.
ICIPANDWA 70
Yesu Aundapa Umwaume Uwafyelwe Impofu
Abasambi baipwishe Yesu icalengele umwaume afyalwe impofu. Bushe alibembwike? Bushe bafyashi bakwe babembwike? Abantu batendeke ukulanda ifyapusanapusana ilyo Yesu amundepe.
ICIPANDWA 71
AbaFarise Baipushisha Umwaume Uwali Impofu
Ifyo umwaume uwali impofu ayaswike abaFarise fyalibakalifye. Filya fine abafyashi bakwe baletiina e fyacitike. AbaFarise balimutamfishe mwi sunagoge.
ICIPANDWA 72
Yesu Atuma Abasambi 70 mu Kubila Imbila Nsuma
Ilyo ali mu Yudea, Yesu atumine abasambi 70 kabili abebele ukuti baleshimikila pa Bufumu. Bushe abasambi baile mu kushimikila mu masunagoge, nelyo mu mayanda ya bantu?
ICIPANDWA 73
Umwina Samaria Acita Ifyalanga Ukuti ni Cibusa wa Cine
Bushe Yesu abomfeshe shani icilangililo ca mwina Samaria musuma ku kusambilisha umuntu umo ilisambililo ilisuma sana?
ICIPANDWA 74
Yesu Alanda pa Kupokelela Abeni na pe Pepo
Yesu atandalila Maria na Marita pa mwabo. Abasambilishe finshi pa kupokelela abeni? Kabili pa numa finshi asambilishe abasambi ukupepela?
ICIPANDWA 75
Yesu Alanda pa Filenga Umuntu Ukuba ne Nsansa
Yesu aebele abalemusuusha ukuti alecita ifipesha amano ku “munwe wa kwa Lesa” kabili alibebele no kuti ‘Ubufumu bwa kwa Lesa nabwisa pali bena.’ Alibebele ne fyo bengacita pa kukwata insansa sha cine.
ICIPANDWA 76
Alya Ifya Kulya Pamo no MuFarise
Yesu alilandile pa bumbimunda bwa baFarise na bakalemba. Fisendo nshi ifyafina ifyo balepatikisha abantu ukusenda?
ICIPANDWA 77
Yesu Afunda Abantu Ukukanatemwisha Ifyuma
Yesu alibebele icilangililo ca muntu wa fyuma uwakuulile amatala ayakalamba. Finshi abafundile na kabili pa bubi bwa kutemwisha ifyuma?
ICIPANDWA 78
Kangalila wa Cishinka Alingile Ukuiteyanya
Yesu talekeleshe abasambi bakwe mu fya kwa Lesa. Milimo nshi kangalila aali no kulabombela abasambi? Mulandu nshi cacindamina ukuba abalola?
ICIPANDWA 79
Ico AbaYuda Bali no Konawilwa ku Ntanshi
Yesu atile abantu abo alesambilisha bali no konaulwa nga ca kuti tabalapiile. Bushe balisambilileko isambililo lyacindama kuli filya Yesu abebele pali bucibusa bwabo na Lesa?
ICIPANDWA 80
Kacema Musuma e lyo na Macinka ya Mpaanga
Ifyo kacema abika amano ku mpaanga fitulanga ifyo Yesu abika amano ku basambi bakwe. Bushe bakulaumfwila ilyo alebasambilisha no kubatungulula?
ICIPANDWA 81
Yesu na Wishi Bamo Bene, Lelo ena te Lesa
Abantu bamo abalesuusha Yesu bamubepeshe ukuti aleti alilingana na Lesa. Finshi abebele ifyalangile bwino bwino ukuti balemubepesha fye?
