KITINI YA 4
Kisalu ya Kusamuna Yina Yezu Salaka na Nima na Yudea
“Beno bondila Mfumu ya kisalu ya kukatula bima na bilanga na kutinda bansadi.”—Luka 10:2
NA KITINI YAI
KAPU YA 66
Yezu Me Kuma na Yeruzalemi Sambu na Nkinsi ya Banzo-Ntenta
Ziku, inki me pusa bantu yina ke widikila Yezu na kukwikila nde yandi kele ti demo?
KAPU YA 67
“Ata Mbala Mosi Ve Muntu Me Tubaka Mutindu Yai”
Bantu yonso ya tribinale ya Bayuda me telamina Yezu, kansi muntu mosi mpamba me baka kikesa ya kutuba sambu na yandi.
KAPU YA 68
Mwana ya Nzambi Kele “Nsemo ya Nsi-Ntoto”
Yezu me tuba nde “kieleka ta katula beno na kimpika.” Kimpika ya nki?
KAPU YA 69
Tata na Bo Kele Nani: Abrahami to Diabulu?
Yezu me monisa mutindu ya kuzaba bana ya Abrahami mpi kana tata na yandi kele kibeni nani.
KAPU YA 70
Yezu Me Belula Muntu Yina Butukaka Kifwa-Meso
Balongoki me yula Yezu sambu na nki muntu yai butukaka kifwa-meso. Keti yandi salaka disumu? Keti bibuti na yandi salaka disumu? Ntangu Yezu me belula muntu yina, bantu me tuba mambu ya mutindu na mutindu.
KAPU YA 71
Bafarize Ke Tulana Ntembe ti Muntu Yina Vandaka Kifwa-Meso
Mutindu muntu yina vandaka ntete kifwa-meso me tubila mambu me pesa Bafarize makasi ya mingi. Bibuti ya muntu yai vandaka kuwa boma nde Bafarize lenda kula mwana na bo na sinagoga mpi yo me salama mutindu yina.
KAPU YA 72
Yezu Me Tinda Balongoki 70 na Kukwenda Kusamuna
Na Yudea, Yezu me tinda balongoki 70 mpi yandi me zabisa bo na kusamuna nsangu ya Kimfumu. Balongoki fwete samuna na wapi—na basinagoga to na banzo ya bantu?
KAPU YA 73
Muntu ya Samaria Kele Nkweno ya Mbote
Inki mutindu Yezu me sadila kingana ya nkweno yina vandaka muntu ya Samaria, to kingana ya “muntu ya Samaria ya ntima ya mbote” sambu na kupesa dilongi mosi ya mfunu kibeni?
KAPU YA 74
Malongi na Yina Me Tala Kikalulu ya Kuyamba Banzenza mpi Kisambu
Yezu me kwenda kutala Maria ti Marta na nzo na bo. Inki yandi me longa bo na yina me tala kikalulu ya kuyamba banzenza? Na nima, inki mutindu yandi me longa balongoki na yandi mambu yina bo fwete lomba na kisambu?
KAPU YA 75
Yezu Me Tubila Mambu Yina Ke Pesaka Kiese
Sambu na kupesa bambeni na yandi mvutu, Yezu me songa bo mambu ya me tala “musapi ya Nzambi” mpi mutindu Kimfumu ya Nzambi me kumina bo na kintulumukina. Yandi me tubila mpi mutindu bantu lenda vanda na kiese ya kieleka.
KAPU YA 76
Yezu Ke Dia na Nzo ya Mufarize Mosi
Yezu me monisa luvunu ya Bafarize ti ya bansekudi na mambu ya lusambu. Inki bizitu bo ke tudila bantu na kunata?
KAPU YA 77
Yezu Me Pesa Ndongisila na Yina Me Tala Kimvwama
Yezu me pesa mbandu ya mvwama mosi yina tungaka banzo ya kuluta nene sambu na kubumba bima. Inki bandongisila yandi me vutukila sambu na kumonisa nde kusosa kimvwama kele kigonsa?
KAPU YA 78
Kapita ya Kwikama: Vanda ya Kuyilama!
Yezu me monisa nde yandi ke kudiyangisa sambu balongoki na yandi kuvanda ti kimpeve ya mbote. Inki mukumba kapita fwete lungisa sambu balongoki yina kuvanda ti kimpeve ya mbote? Sambu na nki ndongisila ya me tala kuvanda ya kuyilama kele mfunu kibeni?
KAPU YA 79
Lufwa Ke Vingila Bayuda Yina Me Buya Kubalula Ntima
Yezu me tuba nde bantu yina yandi ke sosa kusadisa ta fwa kana bo balula ve ntima. Keti bo ta bakisa malongi ya mfunu yina Yezu ke sosa kulonga bo na yina me tala bangwisana na bo ti Nzambi?
KAPU YA 80
Ngungudi ya Mbote mpi Mapangu ya Mameme
Mutindu ngungudi ke tadilaka mameme na yandi ke monisa kibeni mutindu Yezu ke tadilaka balongoki na yandi. Keti bo ta zaba malongi na yandi mpi ta landa lutwadisu na yandi?
KAPU YA 81
Yezu ti Tata Kele Muntu Mosi Kansi Yandi Kele Ve Nzambi
Bambeni ya nkaka ya Yezu ke kusila yandi makambu nde yandi ke tuba nde yandi kele kiteso mosi ti Nzambi. Inki mutindu yandi me buya mambu yina ya luvunu na mayele yonso?
