NIKUPA 4
Muteko wa Yesu o Yuteya
“Mwaveke vanonto anene a ematxa,wi yarumihelemo anamalapa.”—Luka 10:2
MU NIKUPA NENLA
MWAHA 66
O Yerusalemu Ntakhara Efesta ya Misakala
Tiheeni enaweeriha yaale ananwiriyana Yesu weemererya wi owo ookhalano nsololo?
MWAHA 67
“Hintonko Omona Mutxhu Olontxe Ntoko Yowo!”
Mweeparipari nikhuuru ntokweene na othoriha na Ayuta ninnamwiica Yesu, nyenya mmoha a yaawo onnaloca saphaama vooloca sa Yesu.
MWAHA 68
“Ekamama ya Elapo”—Mwaana a Muluku
Yesu onnaloca wi “eparipari enan’wopolani.” Woopowa wa mukhalelo taani?
MWAHA 69
Apwanne tiithi aya—Aparahamu naari Musaserya?
Yesu onathokororya mukhalelo wa waasuwela anamwane a Aparahamu, hiiha ntoko taani chiryene ori Tiithi.
MWAHA 70
Yesu Onnampenusa Mulopwana Oyariwe Ahoonaka
Amuhuserya annakoha ntakhara heeni mulopwana ola ohinooneiye. Apwanne owo oopaka yoocheka? Apwanne alipa oomuyara tapanke yoocheka? Miyoonelo sa achu sinnaakanyeryeya vaavaa Yesu onampenuseiye.
MWAHA 71
Afarisi Annamukohakoha Mulopwana Aayariwe Ahoonaka
Masu oophwanelela a mulopwana ahaawerya woona annaanyeenyeiha Afarisi. Hiiha ntoko alipa oomuyara awe yoovaaya, Afarisi aamwiikara musinakooka.
MWAHA 72
Yesu Onnaarumiha Amuhuserya Makhumi Mathanu Nameeli wi Yalaleerye
O Yuteya, Yesu onnaarumiha alaleeryi makhumi mathanu nameeli nave onnaaleela olaleerya vooloca sa Omwene. Ti woowi amuhuserya analaleeryaayawo—musinakooka naari mu ichoko sa achu?
MWAHA 73
Musamariya Onnooniherya Omwaacamani Weeparipari
Mmukhalelo taani Yesu onaphariheleiye niphwanaphwaniho vooloca sa mwaacamani yoowo ori Musamariya naari ‘muhima,’ aphaama wi avahe nihusiheryo nakuru?
MWAHA 74
Nihusiheryo Vooloca sa Owaakhela Aleco ni Ovekela
Yesu onnamuxekurya Mariya ni Marta owannyawe. Tiheeni owo onaahusiheiye vooloca sa owaakhela aleco? Nave voocharela onaahusiha amuhuserya awe wi eveleleke eheeni?
MWAHA 75
Yesu Onnuupulula Ehime ya Ohakalala Weeparipari
Yesu onnawaakhula amwiicani awe, aaleelaka yaawo vooloca sa “ekatha ya Muluku” ni mukhalelo omwene wa Muluku waaphiyenryaaya Owotho onnuupulula ti mwawihai achu aneeraaya ewerye ophwanya ohakalala weeparipari.
MWAHA 76
Onnalya ni Mfarisi
Yesu onnaavaanya ahooleli a malapelo oowoka a alipa oorepa ni Afarisi. Murici taani woohokola yoowo yaaren’yaaya chu?
MWAHA 77
Yesu Onnavaha Ekano Vooloca sa Oreela
Yesu onnavaha niphwanaphwaniho na mulopwana ooreela yoowo aatenke nikhupi ntokotoko. Ekano taani owo onuuluuleiye voloca sa yawoopiha ya waavya muhakhau?
MWAHA 78
Khalani, Oowehererya Mulapeli Oororomeleya!
Yesu onnooniherya nchuno nawe na okhala phaama omunepani wa amuhuserya awe. Murici taani mulapeli aaphwaneleiye okhaviherya mu okhala phaama wawe omunepani? Ntakhara heeni ekano ya okhala oowehererya eryaaya yoochuneyaxa?
MWAHA 79
Ntakhara Heeni Otolosiwa wa Ayuta Ooheemererya Ori Vakhiviru?
Yesu olonce wi yaale owo oneereryeiye waakhaviherya enahaala otoloxiwa wakhala wi hecharunwe. Apwanne awo anahaala ohuserya mahusiheryo ookhweleya yaawo Yesu oneereryeiye waahusiha vooloca sa murici aya vamiithoni va Muluku?
MWAHA 80
Mukukhuli Aphaama ni Mihuwo sa Ipucepuche
Wiiwanana orivovo variyari va mukukhuli ni ipucepuche sawe ennoniherya phaameene moonelo wa Yesu ni amuhuserya awe. Apwanne anahaala osuwela mahusiheryo awe ni ochara ohoolela wawe?
MWAHA 81
Mmukhalelo Taani Yesu ni Tiithi Awe Aryaaya Amoha?
Akina anamwiica Yesu annamootherya wi oniiseera oolikana ni Muluku. Ti mwawiihai owo onavaanyeiye wootha waya?
