HAP 4
Bihain Jisas i Autim Tok Long Judia
“Askim Bosman bilong bungim kaikai long salim ol wokman.”—Luk 10:2
LONG DISPELA HAP
SAPTA 66
Bikpela De Bilong Ol Haus Lotu Sel Long Jerusalem
Bilong wanem ol manmeri i putim yau long tok bilong Jisas i ting em i gat wanpela spirit nogut?
SAPTA 67
“I No Gat Wanpela Man i Bin Mekim Kain Tok Olsem”
Klostu olgeta memba bilong bikpela kot bilong Juda i birua long Jisas, tasol wanpela memba i mekim sampela tok bilong helpim Jisas.
SAPTA 68
Pikinini Bilong God Em ‘Lait Bilong Graun’
Jisas i tok, “tok i tru bai mekim yupela i kamap fri.” Ol man bai kamap fri long wanem samting?
SAPTA 69
Husat Em Papa Bilong Ol, Abraham o Satan?
Jisas i kamapim long ples klia olsem wanem ol man inap luksave long ol pikinini tru bilong Abraham, na husat tru i Papa bilong em.
SAPTA 70
Jisas i Oraitim Wanpela Man i Bon Aipas
Ol disaipel i askim Jisas long risen na dispela man i bon aipas. Em i mekim sin? Papamama bilong em i mekim sin? Ol man i gat narapela narapela tingting taim ol i harim olsem Jisas i oraitim em.
SAPTA 71
Ol Farisi i Toktok Wantaim Man Bipo Em i Aipas
Dispela man bipo em i aipas i bekim tok bilong ol Farisi na ol i belhat nogut tru. Papamama bilong dispela man i pret long ol Juda bai rausim ol long sinagog, ol Farisi i rausim em long Sinagog.
SAPTA 72
Jisas i Salim 70 Disaipel i Go Autim Tok
Long Judia, Jisas i salim 70 disaipel i go bilong autim tok bilong Kingdom. Ol disaipel i autim tok long ol sinagog o long haus bilong ol man?
SAPTA 73
Man Samaria i Soim Pasin Laikim Long Narapela
Jisas i mekim tok piksa bilong gutpela man Samaria bilong skulim ol man long ol i mas soim pasin laikim long ol narapela.
SAPTA 74
Kisim Skul Long Pasin Bilong Mekim Gut Long Man na Beten
Jisas i go visitim Maria na Marta long haus bilong ol. Em i skulim ol olsem em i bikpela samting long harim tok bilong God winim pasin bilong mekim gut long man. Na bihain em i skulim ol disaipel olsem em i bikpela samting long beten oltaim.
SAPTA 75
Jisas i Kamapim Klia As Tru Bilong Amamas
Jisas i bekim tok long ol birua bilong em, em i tokim ol long “pinga bilong God” na olsem wanem Kingdom bilong God i kam pinis na ol i no luksave long en. Na tu, em i tokaut long olsem wanem ol man inap stap amamas tru.
SAPTA 76
Kaikai Wantaim Wanpela Farisi
Jisas i kamapim klia olsem ol Farisi na ol saveman bilong lo, ol i man bilong tupela maus long samting bilong lotu. Ol Farisi i putim wanem ol hevipela samting long ol manmeri?
SAPTA 77
Jisas i Tok Lukaut Long Mani Kago
Jisas i tok piksa long wanpela maniman i wokim ol bikpela bakstua. Em i givim wanem tok lukaut long pasin bilong bungim planti mani kago?
SAPTA 78
Gutpela Bosboi i Mas Redi i Stap!
Jisas i amamas long pasin bilong ol disaipel bilong em long stap gut long bilip. Olsem wanem bosboi bai helpim ol long stap gut long bilip? Bilong wanem tok lukaut long redi i stap i bikpela samting?
SAPTA 79
Bagarap Bai Painim Ol Juda
Jisas i tok sapos ol man i no harim tok bilong em na tanim bel, bagarap bai painim ol. Olsem wanem? Bai ol i bihainim tok Jisas i mekim bilong skulim ol long pasin bilong pas gut wantaim God?
SAPTA 80
Gutpela Wasman na Banis Sipsip
Pasin pren i stap namel long wasman na ol sipsip bilong em i kamapim klia pasin bilong Jisas long tingim tru ol disaipel bilong em. Olsem wanem? Bai ol i harim ol tok bilong em na bihainim?
SAPTA 81
Olsem Wanem Jisas na Papa i Wanpela?
Sampela man i sutim tok long Jisas, ol i tok em i laik mekim em yet i kamap wankain olsem God. Olsem wanem Jisas i bihainim savetingting na em i kamapim long ples klia tok giaman bilong ol?
