VAEGA I TE 4
Te Galuega Fakamuli a Iesu i Iuta
“Fakatagi atu ki te Matai o te galuega ke uga mai a tino faigaluega.”—Luka 10:2
I TE VAEGA TENEI
MATAUPU E 66
Ne Olo Atu ki Ielusalema mō te ‵Kaiga o Faleie Tapu
Se a te mea ne fai ei a tino kolā ne fakalogo‵logo ki a Iesu ke tali‵tonu me ne ulufia a ia ne temoni?
MATAUPU E 67
“Ne Seki ai Eiloa se Tagata Kai Faipati Penei mo te Tagata Tenei”
Ne ‵teke atu a te fono maluga kātoa a te kau Iutaia ki a Iesu, kae ne faipati atu eiloa se sui o latou mō ia.
MATAUPU E 68
“Te Mainaga o te Lalolagi”—Te Tama a te Atua
Ne fai mai a Iesu me ka “fakasaoloto koutou ne te munatonu.” Se a te mea e fakasaoloto mai i ei?
MATAUPU 69
Te Lotou Tamana—Apelaamo io me ko te Tiapolo?
Ne fakamatala atu ei ne Iesu a te auala ke iloa atu a tama a Apelaamo, e pelā foki eiloa mo tena Tamana.
MATAUPU E 70
Ne Faka‵lei ne Iesu se Tagata Telā ne Fanau Mai Kae ‵Kivi
Ne fesili atu a te kau soko e uiga ki te pogai ne fanau mai ei se tagata kae ‵kivi? Ne ‵numi a tino i te taimi ne faka‵lei ei ne Iesu a te tagata.
MATAUPU E 71
Ko Kinau Atu a te Kau Falesaio ki te Tagata Telā ne ‵Kivi
Ne fai ne te tala o te tino ‵kivi mua ke kaitaua a te kau Falesaio. E pelā eiloa mo te mea ne ma‵taku ki ei ana mātua, ne fakatea ne te kau Falesaio tou tagata mai te sunako.
MATAUPU E 72
Ne Uga Atu ne Iesu a Soko e Toko 70 ke Talai Atu
I Iuta, ne uga atu taki tokolua ne Iesu a soko e toko 70 e pelā me ne tino folafola o te Malo. Tefea te koga ne olo atu a soko ki ei ke talai atu ki tino—i sunako io me ko fale o tino?
MATAUPU E 73
Ne Fakamaoni Aka ne se Tino Samalia me i a Ia ko te Tuakoi Tonu
Ne fakaaoga pefea ne Iesu a te tala fakatusa e uiga ki te tuakoi Samalia alofa, io me ko te “Samalia ‵lei,” ke akoako mai i ei se akoakoga tāua ‵ki?
MATAUPU E 74
Akoakoga e Uiga ki te Talimalo mo te ‵Talo
Ne āsi atu a Iesu ki a Malia mo Maleta i te lā fale. Se a te mea ne akoako atu ne ia ki a lāua e uiga ki te talimalo? Kae ne akoako atu pefea a ia fakamuli ki ana soko e uiga ki mea ke ‵talo atu ki ei?
MATAUPU E 75
Ne Fakaasi Mai ne Iesu te Pogai o te Fiafia
Ne tali atu a Iesu ki ana tino ‵teke, mai te fai atu ki a latou e uiga ki te “lima o te Atua” mo te auala ka oko fakapoi atu ei te Malo o te Atua ki a latou. Ne fakaasi atu foki ne ia a te auala e mafai ei o maua ne tino a te fiafia tonu.
MATAUPU E 76
Ne ‵Kai Fakatasi mo se Falesaio
Ne fakaasi faka‵sau atu ne Iesu a loi fakalotu a te kau Falesaio mo failautusi. Ne a amoga ne tuku atu ne latou ke amo ne tino?
MATAUPU E 77
Ne Tuku Atu ne Iesu a Pati Fakatonutonu e Uiga ki Koloa
Ne fai atu ne Iesu se tala fakatusa e uiga ki se tagata maumea telā ne faite ne ia a fale koloa tai ‵lasi atu. Ne a pati fakatonutonu ne fakafokifoki mai faeloa ne ia e uiga ki mea fakama‵taku o te kausaki atu ki koloa?
MATAUPU E 78
Ke Toka Faeloa, te Situati Fakamaoni
Ne fakaasi atu ne Iesu tena manakoga ki te ‵lei o ana soko i te feitu faka-te-agaga. Se a te tulaga o te situati i te tausiga o latou i te feitu faka-te-agaga? Kaia e tāua malosi ei a pati polopoloki ke toka faeloa?
MATAUPU E 79
Te Pogai ko Pili ei te Fakaseaiatuga
Ne fai atu a Iesu me ka fe‵paki eiloa mo te fakaseaiga a tino kolā e taumafai a ia o fesoasoani atu ki a latou, māfai e se sala‵mo latou. E mata, ka iloa ne latou a te akoakoga tāua me e taumafai a Iesu o akoako latou e uiga ki te lotou tulaga i mua o te Atua?
MATAUPU E 80
Te Tausi Mamoe ‵Lei mo Lulu Mamoe
E fakaata mai i te fesokotakiga o te tausi mamoe mo ana mamoe a lagonaga o Iesu e uiga ki ana soko. E mata, ka talia ne latou ana akoakoga kae tau‵tali atu ki tena takitakiga?
MATAUPU E 81
E Tasi mo te Tamana, Kae e se ko te Atua
Ne ‵losi atu a nisi tino fakama‵sei ki a Iesu me ne fai ne ia a ia eiloa ke ‵pau mo te Atua. Ne ‵teke atu pefea a ia mo te atamai ki olotou ‵losiga ‵se?
