Jesusat yateqasipjjañäni
KHUYAPTʼAYASIRÏPJJAÑÄNI
MUNASIRÏPJJAÑÄNI
ORACIÓN LURAPJJAPUNIÑÄNI
Jesusajja sapäkasasa jan ukajj Diosan servirinakapampi chikäkasasa Awkiparojj taqe chuymaw orasirïna. Janiw manqʼañatakik oraskänti, jan ukasti walja kutiw oración luräna. Oración lurasajj Awkiparuw yuspäräna, jachʼañcharakïnwa, wakiskir amtanakar puriñatakis yanaptʼap mayirakïnwa. Ukwa 24, 34, 91, 122, 123 yatichäwinakan yatjjatsna.
MAYNINAKAN ASKIP THAQAPJJAÑÄNI
MAYNINAKAR PERDONAPJJAÑÄNI
DIOSAR TAQE CHUYM SERVIPJJAÑÄNI
Profecianakanjja, jila parte judionakajj janiw Jesusan Mesiasätap creyipkaniti, enemigonakapas jiwayapjjaniwa sasaw qhanañchjjäna. Ukanak yatisajja Jesusajj jaqenakar yanaptʼañatak janiw chʼamachaskaspänti. Ukampis Jesusajj taqe chuymaw yatiyäna, ukhamatwa taqe arkirinakaparojj mä uñachtʼäwi jaytäna. Ukwa 16, 72, 103 yatichäwinakan yatjjatsna.
HUMILDE CHUYMANÏPJJAÑÄNI
PACIENCIANÏPJJAÑÄNI
Apostolonakasa mayni jaqenakasa Jesusat jan yateqasipkäna, jan ukajj yatichäwinakaparjam jan sarnaqapkäna ukhajja, Jesusajj wali pacienciampiw jupanakar uñjäna. Jehová Diosar jukʼamp jakʼachasiñatakejj kunanak lurapjjañapas wakisïna ukanakjja pacienciampiw yaticharakïna. Ukwa 74, 98, 118, 135 yatichäwinakan yatjjatsna.