Jiisusi naam­mal­luin­nar­tuugami inut­tut allatut ernumas­suteqar­nanilu ajor­nar­torsiuteqar­piar­neq ajor­poq. Misigin­neqataangaar­tar­porli. Sapin­ngisani tamaat, allaat pisariaqar­tut akimorlugit, ikiuiniarluni iliuuseqar­tar­poq. Aap, misigin­neqataasarami allanik ikiuisar­poq.

Jiisusi pingaakujun­nanilu saaf­figiuminaatsuun­ngim­mat inuit tamarmik, meeq­qat inersimasullu, saaf­figisin­naasar­paat. Soqutigineqar­ner­tik malugisin­naasaramikku Jiisusi ilagigaangamikku iluarusut­tar­put.

Jiisusi kisimiik­kaangami allallu ilagigaangamigit Ataataminut qinukulasar­poq. Imaan­ngilaq aatsaat nerileraangami qinusar­toq, aamma pif­fis­sani allani qinusar­poq. Ataatani qutsaviginiarlugu, unnersiutiginiarlugu pingaarutilim­millu aalajangiinialeraangami siulersoq­qul­luni qinusar­poq.

Ilaan­nik­kut qasuersaarusuk­kaluarluni Jiisusip allat pisariaqar­titaat pingaar­nerutit­tar­pai. Allat sal­liut­tar­nerisigut nam­minis­sarsior­tuun­ngin­nerminik maligas­sip­paatigut.

Isumak­keerfigin­nit­tuuneq ilin­niar­titsis­sutigiin­nar­nagu ilin­niar­titaminik allanillu isumak­keerfigin­nit­tar­poq.

Siulit­tuutigineqar­poq juutit amerlanersaasa Mis­siarsi itigar­tis­sagaat akeraasalu toqus­sagaat. Taamaat­tumik Jiisusi aalajangersin­naagaluar­poq inuit pil­lugit iliuuseqar­piar­niar­nani. Guutisior­nerli ilumoor­toq ilumoorul­lugu aal­lup­paa. Taamaalil­luni soqutigin­nit­toqan­ngik­kaluar­toq malersor­neqar­nermilu allaat ilin­niar­titani aal­lus­sil­luar­nis­saan­nik maligas­sip­pai.

Inun­nut naam­mal­luin­nan­ngitsunut sanil­liul­lugu Jiisusi asseqan­ngilaq, assersuutigalugu paasisimasaqar­nerul­lunilu ilisimas­suseqar­neruvoq. Naam­mal­luin­nar­tuugami timik­kut isumak­kullu inuit kik­kul­luun­niit akimor­pai. Taamaak­kaluar­torli maniguul­luni ikior­pai.

Apustilit allallu Jiisusimik ilaarsin­ngitsoor­tar­tut ilin­niar­tin­neqar­nermis­sul­luun­niit iliun­ngitsoor­tar­tut Jiisusip naam­magit­tarfigiuar­pai. Jehova qanil­liumal­lugu qanoq ilior­tariaqar­neran­nik naam­magit­tarluni uteq­qiisar­poq.