Kii i yé Ane Djob?
Baa w’a kal le i yé . . .
-
ngim yom ikété yoñ ñem?
-
ndik ngim lipôdôl?
-
ngim énél i yéne i ngii?
KII BIBEL I NKAL
“Nyambe nu ngii a ga téé ngim ane, i i ga tjiba bé kekikel.”—Daniel 2:44, Ngobol mbok yondo.
“Man munlôm a ntina bés; ane i man kiñe i ga kahap i ngii bituu gwé.”—Yésaya 9:6; matila isi lipep.
HALA A NLA KOBLA LAA INYU YOÑ
-
Énél i telepsép i ntééba, i i nla bane we nseñ i len ini.—Yésaya 48:17, 18.
-
I mbok yondo i nlo, mbôô ni niñ i maséé i nya i yôni.—Masoola 21:3, 4.
BAA DI NLA TOI HÉMLE KII BIBEL I NKAL?
Ñ, di nla, inyu manjom to ima:
-
Yésu a bi unda kii Ane Djob y’a boñ. Yésu a bi niiga banigil bé le ba soohe le Ane Djob i loo ni le sômbôl i Djob i bôña hana ’isi. (Matéô 6:9, 10) Yésu a bi unda lelaa masoohe mana m’a kôhna ndimbhe.
Ngéda a ba hana ’isi, Yésu a jés bôt ba njal, a mélés bakokon, a témbna ki bawoga i niñ! (Matéô 15:29-38; Yôhanes 11:38-44) I libak jé li Ñénél Ane Djob, Yésu a bi ti dinyo malép di mam malam Ane yé y’a boñ inyu bôt b’a ba isi énél yé.—Masoola 11:15.
-
Mam ma mbôña hana ’isi ma nkwéha nkaa le ndék ngéda Ane Djob y’a lo. Yésu a bôk pot le ilole Ane i nlona nsañ hana ’isi, nkoñ ’isi wés w’a yon ni gwét, ni manjal, ni nyeñk disi.—Matéô 24:3, 7.
Di ntehe mam ma momasôna i len ini. Jon, di nla bana botñem le ndék ngéda, Ane Djob y’a mélés mandutu mana momasôna.