“Pajongjongon ni Debata na di surgo i ma sada harajaon na so boi dihancurhon.”​—Daniel 2:44.

“Nungnga dilehon sada anak tu hita, jala dilehon do tu ibana tanggung jawab lao mamaretta.”​—Jesaya 9:6.

Sian janji i . . .

• Gabe taboto ma adong do pamarettaon na adil jala parohon na denggan tu hita.​—Jesaya 48:17, 18.

• Gabe taboto ma, di tano na imbaru sehat jala marlas ni roha do hita.​—Pangungkapon 21:3, 4.

Adong dua alasanna:

• Nungnga dibuktihon Jesus aha na lao diulahon Harajaon ni Debata. Najolo, diajarhon Jesus do tu akka siseanna asa ditangiakkon nasida ro Harajaon ni Debata jala asa saut lomo ni rohana di tano on. (Mateus 6:9, 10) Dipatudu Jesus ma songon dia na lao masa molo saut tangiang i.

  Tikki di portibi on Jesus, dilehon ibana do godang halak mangan, dipamalum do na marsahit, jala dipahehe do halak na mate! (Mateus 15:29-38; Johannes 11:38-44) Jadi aha na hea diulahon Jesus di portibi on, patuduhon songon i ma na lao diulahon ibana tu rakyatna molo dung mamaretta ibana di Harajaon ni Debata.​—Pangungkapon 11:15.

• Situasi ni portibi saonari on patuduhon naeng ro nama Harajaon ni Debata. Nungnga dipaboa Jesus hian aha na lao masa sebelum ro Harajaon ni Debata. Masa do porang, kelaparan, dohot gempa bumi.​—Mateus 24:3, 7.

  Songon i do na masa saonari on. Jadi pos do rohatta, na lao ro nama satokkin nai Harajaon ni Debata pasaehon sude parsoalatta.