Bushe Ubufumu bwa kwa Lesa ni Cinshi?
Bushe kuti mwatila . . .
-
cintu cimo icaba mu mutima?
-
ni nsoselo fye?
-
buteko ubwaba mu muulu?
IFYO BAIBOLO ILANDAPO
“Lesa wa mu muulu akemya ubufumu ubushakonaulwe nakalya.”—Daniele 2:44, Amalembo ya Calo Cipya.
“Natupeelwa umwana umwaume . . . no buteko bwakwe bukalaba pee ubwa mutelelwe.”—Esaya 9:6, 7, Bible wa Mushilo uwa mu 1983
IFYO MUKANONKELAMO
-
Mukalatekwa no buteko ubusuma ubukalenga mukekale bwino.—Esaya 48:17, 18.
-
Ilyo ubu buteko bukalateka icalo, abantu tabakalelwala kabili bakaba ne nsansa.—Ukusokolola 21:3, 4.
BUSHE TULINGILE UKUCETEKELA IFI BAIBOLO YALANDA?
Ee, kwaliba ifintu fibili ifingalenga ukuti tucetekele:
-
Yesu alilangilile ifyo Ubufumu bwa kwa Lesa bukacita. Yesu asambilishe abasambi bakwe ukulapepela ukuti Ubufumu bwa kwa Lesa bwise no kulapepela ukuti ukufwaya kwa kwa Lesa kucitwe pe sonde. (Mateo 6:9, 10) Yesu alilangile ifyo lilye pepo likasukwa.
Ilyo Yesu aali pe sonde, alilishishe abali ne nsala, aliposeshe abalwele, kabili alibushishe na bafwa! (Mateo 15:29-38; Yohane 11:38-44) Apo Yesu e ukaba imfumu, ifyo acitile filangilila ifyo Ubufumu bwa kwa Lesa bukacitila abantu ilyo bukalateka.—Ukusokolola 11:15.
-
Ifilecitika mu calo filelangilila ukuti Ubufumu bwa kwa Lesa buli no kutendeka ukuteka icalo nomba line. Yesu asobele ukuti ilyo Ubufumu bwa kwa Lesa bushilaleta umutende, pa calo pa kaba sana inkondo, ifipowe, e lyo ne finkukuma.—Mateo 24:3, 7.
Ifi fine e ficitika muno nshiku. Kanshi te kuti tutwishike ukuti Ubufumu bwa kwa Lesa buli no kupwisha aya mafya yonse pa calo nomba line.
IFYO MUFWILE UKULATONTONKANYAPO
Bushe abantu bakalaikala shani ilyo Ubufumu bwa kwa Lesa bukalateka?
Baibolo yalyasuka ici cipusho pa AMALUMBO 37:29 na pali ESAYA 65:21-23.
Nalimo Kuti Mwatemwako ne fi
AMASAMBILISHO YA MU BAIBO AYACINDAMA
Bushe Ubufumu bwa kwa Lesa ni Cinshi?
Ilyo Yesu ali pano isonde alesambilisha sana pa Bufumu bwa kwa Lesa ukucila pa lyashi ili lyonse. Pa myaka iingi abantu abengi balapepa ukuti ubu Bufumu bwise.
ULUPUNGU LWA KWA KALINDA
Finshi Ubufumu bwa kwa Lesa Bukacita?
Yesu alishibe ukuti Ubufumu bwa kwa Lesa e bwingapwisha fye amafya pe sonde. Finshi ubu Bufumu bwacita pa kuti tushininkishe ukuti bukafumyapo amafya pe sonde?
AMASUKO KU MEPUSHO YA MU BAIBOLO
Bushe Umutende pa Calo Ukesa Shani?
Sambilileni ifyo Lesa alaya ukuleta umutende pa calo ukubomfya Ubufumu bwakwe.
ULUPUNGU LWA KWA KALINDA
Ubufumu bwa kwa Lesa
Ifintu 6 ifingalenga twashininkisha ukuti Ubufumu bwa kwa Lesa bukafumyapo amafisakanwa.
PA NTE SHA KWA YEHOVA
Mulandu Nshi Mulingiile Ukusambilila Baibolo?
Mu Baibolo mwaliba ifyasuko ku mepusho yacindama ayo abantu abengi pano calo bakwata. Bushe na imwe kuti mwatemwa ukusanga amasuko ku mepusho mwakwata?
AMASAMBILISHO YA MU BAIBOLO
Tendekeni ukusambilila Baibolo ne Nte sha kwa Yehova
Tendekeni ukusambilila baibolo ne Nte sha kwa Yehova ukwabula ukulipila.
