Ḇaḇesasoser Allah Ido Rosairiri?

NAFNAK

Au ido, rosairi . . .

ro snemun nkoḇena ke?
moḇ oser ro supswan ine ke?
ḇaḇesasoser ro nanki ke?

ROSAI REFO ḆYADIR NA

”Allah nari ḇyuk faroi, karapesa nasan Daud, kpu ḇyedi, ma nari ḇye wairek faro Yakub kpu ḇyesi, isof fyoro-fyoro.”—Lukas 1:32, 33, Wos Byak ro Rasras.

”Papoik ḇaḇesasoser supswan baboine isya ro Manseren koḇedi ḇramin ḇyedi ma Wairek Ḇeḇuk koreri sḇeasas kwarya.”—Wahyu 11:⁠15.

NUN PAYAMYUM ḆE AU

Ḇaḇesasoser ḇekaku na ḇyuk aski ro kankenem.—Lukas 11:⁠28.
Na kosmai pararei ma marisen ro dunya babo iwama.—Wahyu 21:3, 4.

RARIRYA KOKYAR FARO SA REFO ḆYADIR NA KE?

Imbo. Isoine nyan risuru:

Yesus fyasnaiḇair rosai Ḇaḇesasoser Allah ifrur kwar. Yesus fyarkor manfamyan ḇyesya fa sinadi snar Ḇaḇesasoser Allah ryama ro supswan ine. (Matius 6:9, 10) Yesus fyasnaiḇair kwar nadi ine na ndarirya.

Fafisu ro supswan ine, Yesus fyan ḇebiser sya ḇyuk pararei ḇe ḇeduf sya ma ḇyuk kenem ḇe ḇemar sya! (Matius 15:29-38; Yohanes 11:38-44) Ine fyasnaibair rosai na ifrur ro Ḇaḇesasoser Allah iba syadi faro kawasa sya.—Wahyu 11:⁠15.
Roi ḇeḇyeḇa komam ro dunya ine, ḇyadiro Ḇaḇesasoser Allah na ryama fasaw. Yesus ikofen ro fyor ḇaḇesasoser ryama ḇaim na komam mamamun ya, basbiser ma rim ḇeba ro moḇ nakame.—Matius 24:3, 7.

Naiso komam ro baboine. Inja kokyar kaku Ḇaḇesasoser Allah na ipyos nakame.

INFA KOKARA

Rosai na kosmai kaku ro Ḇaḇesasoser Allah ya?

Fakfuken ine Refo kyarem na ro MATIUS 5:5 ma 2 PETRUS 3:⁠13.

Wamarisen Ido Mam Ine Kako

ESSENTIAL BIBLE TEACHINGS

Karajan Allah Ido Rosairirya?

Fafisu Yesus fyarmyan ro supswan, dapḇair ker Karajan Allah isyadi ro roi ḇesena. Ro abad ḇe abad, snonkaku sya senadi fa sor insama Karajan ani ryama.