“El Dios na cielo hay formá un reino que nunca hay destroza.”​—Daniel 2:44, New World Translation.

“Ele ay queda importante y ay llama con Ele Anak del Bien Alto Dios. El Señor Dios ay dale con Ele el trono . . . y el disuyo Reino gendeh gayot ay tene fin.”​—Lucas 1:32, 33, El Nuevo Testamento na Chavacano.

• Un bueno y honesto gobierno que tu mismo hay beneficia.​—Lucas 11:28.

• Na venedero nuevo mundo, hay obtene tu alegria y buen salud.​—Revelacion 21:3, 4.

Si, por causa na dos razon:

• Ya dale mira si Jesus si cosa hace el Reino del Dios. Si Jesus ya enseña reza con su maga siguidores que manda vene con el Reino y hace el voluntad del Dios aqui na tierra. (Mateo 6:9, 10) Ya demonstra tambien le si cosa sucede si hay contesta ya con ese rezo.

  Mientras taqui si Jesus na tierra, ya dale le comé con el maga con hambre, ya curá con el maga enfermo y ya resucita con el maga muerto! (Mateo 15:29-38; Juan 11:38-44) Como el Rey del Reino del Dios na futuro, ya dale mira si Jesus si cosa hay hace el Reino para con el maga gente.​—Revelacion 11:15.

• El maga suceso na mundo ahora ta dale mira que cerca ya gayot llega el Reino del Dios. Antes de tiene paz aqui na tierra por medio del Reino, si Jesus ya habla ya daan que el mundo hay experienciá guerra, hambre y maga temblor.​—Mateo 24:3, 7.

  Ese maga suceso ta puede kita mismo mira ahora. Quierre decir, puede kita asigura que el Reino del Dios cerca ya gayot termina con ese todo clase de problema.