Unsa ang Gingharian sa Diyos?
Kini ba . . .
-
naa sa imong kasingkasing?
-
simboliko lang?
-
gobyerno sa langit?
KON UNSAY GIINGON SA BIBLIYA
“Ang Diyos sa langit magtukod ug gingharian nga dili gayod malaglag.”—Daniel 2:44, Bag-ong Kalibotang Hubad.
“Dunay . . . usa ka anak nga lalaki nga gihatag kanato; ug ang gobyerno maanaa sa iyang abaga.”—Isaias 9:6; footnote.
KON UNSAY KAAYOHAN NIINI ALANG KANIMO
-
Dunay matarong nga gobyerno nga makatagana sa imong mga panginahanglan.—Isaias 48:17, 18.
-
Sa bag-ong kalibotan, magmalipayon ka ug hingpit nag panglawas.—Pinadayag 21:3, 4.
MAKATUO BA GYOD TA SA GIINGON SA BIBLIYA?
Oo, tungod sa duha ka rason:
-
Gipakita ni Jesus kon unsay himoon sa Gingharian sa Diyos. Si Jesus nagtudlo sa iyang mga sumusunod sa pag-ampo nga moabot ang Gingharian sa Diyos ug matuman ang kabubut-on sa Diyos dinhi sa yuta. (Mateo 6:9, 10) Gipakita niya kon unsa unyay tubag niana nga pag-ampo.
Sa dinhi pa si Jesus sa yuta, siya nagpakaon sa gigutom, nag-ayog mga masakiton, ug nagbanhawg patay! (Mateo 15:29-38; Juan 11:38-44) Ingong umaabot nga Hari sa Gingharian sa Diyos, gipakita ni Jesus kon unsay himoon niana nga Gingharian alang sa mga sakop niini.—Pinadayag 11:15.
-
Ang mga panghitabo sa kalibotan nagpamatuod nga hapit nang moabot ang Gingharian sa Diyos. Si Jesus nagtagna nga una pa ipahinabo sa Gingharian ang pakigdait dinhi sa yuta, mahitabo ang daghang gubat, gutom, ug linog.—Mateo 24:3, 7.
Mao gayod kanay nagakahitabo karon. Busa makaseguro ta nga hapit nang taposon sa Gingharian sa Diyos ang tanang problema.
HUNAHUNAA KINI
Unsay kahimtang kon magmando na ang Gingharian sa Diyos?
Ang Bibliya nagtubag niana sa SALMO 37:29 ug ISAIAS 65:21-23.
Basin Ganahan Pod Ka
IMPORTANTENG GITUDLO SA BIBLIYA
Unsa ang Gingharian sa Diyos?
Sa dihang dinhi pa si Jesus sa yuta, pirme niyang gisangyaw ang Gingharian sa Diyos. Sulod sa dugay nang katuigan, ang iyang mga sumusunod nagaampo nga moabot na unta ang maong Gingharian.
ANG BANTAYANANG TORRE
Unsay Himoon sa Gingharian sa Diyos?
Nahibalo si Jesus nga ang Gingharian sa Diyos lang ang gobyerno nga makasulbad sa tanang problema sa yuta. Unsa nay nahimo sa Gingharian aron makasalig kita niini?
TUBAG SA MGA PANGUTANA BAHIN SA BIBLIYA
Kalinaw sa Yuta—Sa Unsang Paagi Kini Makab-ot?
Sayra kon unsay gisaad sa Diyos bahin sa pagpatunghag kalinaw sa yuta pinaagi sa iyang Gingharian.
ANG BANTAYANANG TORRE
Gingharian sa Diyos—Gobyerno nga Walay Korapsiyon
May unom ka butang bahin sa Gingharian nga naggarantiya nga kini wala gyoy korapsiyon.
BAHIN KANAMO
Nganong Tun-an ang Bibliya?
Ang Bibliya nagtabang sa minilyong tawo sa tibuok kalibotan nga masayran ang tubag sa importanteng mga pangutana bahin sa kinabuhi. Gusto ba sab nimong masayran kini?
GITUDLO SA BIBLIYA
Sulayi ang Among Bible Study Program
Libreng interactive nga pagtuon sa Bibliya uban ang usa ka instruktor.
