¿Ʉ̃rĩbarika Daizeze Nokʼo ʉ̃rʉra?

Bed’eabira

Ʉ̃kʉrʉba jarabʉ:

«Mʉa ũrĩbaria».
«Mʉa ũrĩkʼabasi».
«Kʼawʉa ẽ kʼãrẽsida».

Bʉmara, ¿kʼãrẽpe maʉ̃ra?

DAIZEZE BEDʼEABA JARABɄTA

«Daizeze ʉ̃tʉ bemabara Nokʼota oyi ewari jõmaʉ̃nẽ jõkʼata» (Daniel 2:44, Traducción del Nuevo Mundo).

«Wũãwũã aba zokʼa bʉesida dayirã zokʼa marẽã» (Isaías 9:6).

DAYIRÃRA SÃWŨÃ KʼAREBABɄ NAɄ̃ KʼAWUAIBARA

Maʉ̃ Nokʼo bia bʉrʉ kʼareba seabʉ dayirã aba abaka (Isaías 48:17, 18).
Arakaitaba Daizeze Nokʼo deba zobia baita ẽjʉa kĩrãwãreãnẽ, akʉza kayane ẽa baita dayirãra (Revelación [Apocalipsis] 21:3, 4).

¿WÃRĨNU ĨJÃSEA BɄKA DAYIRÃBARA DAIZEZE BEDʼEARA?

Mawũã, bedʼea ũmebʉ:

Jesubara ũdubisi kʼãrẽta oita Daizeze Nokʼoba. Iyara jaradiasi yi kaidu bemara sãwuã widi barata Daizeze Nokʼo ze marẽã iya kãgabʉ kĩrakʼa o marẽã nama egorode (Mateo 6:9, 10). Adewara jaradiasi sãwũã aripe berabarita maʉ̃ra.

Jesu nama egoroeda zesidera kʼarebasi ẽbẽra jarra berãta, akʉza bʼebĩkʉasi kayakedeta, akʉza jẽda piradrʉ bisi beidarãta (Mateo 15:29-38; Juan 11:38-44). Iyira Nokʼo bai baera, nẽbiata ũdubĩgasi ẽbẽraba kʼawuada marẽã iyi Nokʼo babʉrʉdera mawũã oita (Revelación 11:15).
Naʉ̃ drʉade bedʼea zroma ũdubʉba kʼawua panʉ arakaita bata Daizeze Nokʼo zeira. Jesubara jarasi naʉ̃ drʉade ũdudaita yõta, drʉa ureta, jarrabata, maʉ̃ra berabarita jarasi Daizeze Nokʼoba zokʼa jʉdrʉi naena, nene ẽ baita egorode (Mateo 24:3, 7).

Idi jõma ũdu panʉ maʉ̃ bedʼea zromara, maʉ̃ba wãrĩnu ĩjãnaĩ bara Daizeze Nokʼoba aranʉbai jõbita maʉ̃ kayiruara.

WIDIRA BɄYIKɄZA

¿Sãwũã baiba Daizeze Nokʼoba zokʼa jʉ̃drʉ bʉrʉdera?

Daizeze Bedʼeaba panʉñi MATEO 5:5 akʉza ISAÍAS 65:21-23.

Puede que también le interese

ENSEÑANZAS IMPORTANTES DE LA BIBLIA

¿K’ãrẽ Daizeze Nok’ora?

Jõmaʉ̃ mae Jesura Daizeze Bed’ea jaradiabasi, audre bed’eabasi Daizeze Nok’o ʉ̃rʉ baldu bed’eaira. Poaga mejãchaba, iyi k’aidubemara yiwid’ipanʉta Daizeze Nok’o zemarẽã.