A kisa ki Rwayonm Bondjé-a ?
Ou té ké di a...
-
roun bagaj annan ou tchò ?
-
roun senp èsprésyon ?
-
roun gouvèrnman annan syèl-a ?
SA LABIB-A KA DI
« Bondjé-a ki annan syèl-a ké mété roun rwayonm ki pa ké janmen détrwi » (Daniel 2:44, Traduction du monde nouveau).
« Yé bay nou roun fis, é gouvèrnman-an ké anlè so zépol » (Isaïe 9:6, Bible de Darby).
SANS SA POUVÉ GEN POU OU
-
Roun gouvèrnman jist ki pouvé mennen bon bagaj pou ou (Isaïe 48:17, 18).
-
Annan monn nouvo ki gen pou vini-a, viv annan lajwa ké roun santé parfè (Révélation 21:3, 4).
ÈS NOU VRÉMAN POUVÉ KRÈ SA LABIB-A KA DI ?
Wi, pou omwens dé rézon :
-
Jézi té montré kisa Rwayonm Bondjé-a ké fè. Jézi té anprann so disip priyè pou Rwayonm Bondjé-a vini é pou volonté Bondjé fèt anlè latè-a (Matthieu 6:9, 10). Jézi té montré yé kouman sa lapriyè-a ké réyalizé.
Lò i té anlè latè-a, Jézi bay moun ki té fen manjé, géri moun ki té malad é roubay moun ki té mouri lavi ! (Matthieu 15:29-38 ; Jean 11:38-44). Paské i sa fitir Rwa di Rwayonm Bondjé-a, Jézi montré dézoutrwa bèl bagaj Rwayonm-an ké poté pou so sijé (Révélation 11:15).
-
Léta monn-an ka konfirmé ki Rwayonm Bondjé-a tou pròch rivé. Jézi té di ki anvan Rwayonm–an mennen lapè anlè latè-a, nou monn té ké plen ké lagèr, lafamin ké tranbléman-dé-tèr (Matthieu 24:3, 7).
A tout sa bagaj-ya nou ka wè jòdla. Nou pouvé gen konfyans annan Rwayonm Bondjé-a ki ké éliminé tout problèm titalò.
RÉFLÉCHI ASOU SA
Kouman lavi-a ké fika anba dominasyon Rwayonm Bondjé-a ?
Labib-a ka réponn sa késyon-an an PSAUME 37:29 é an ISAÏE 65:21-23.
Gadé osi...
ANSÈYMAN ASOU LABIB-A KI ENPÒRTAN
A kisa ki Rwayonm Bondjé-a ?
Lò Jézi té asou latè-a, i palé èspésyalman di Rwayonm Bondjé-a. Sa ka fè plizièr sièk, so disip ka priyè pou sa Rwayonm-an vini.
TOURDÉGARD-A
Kisa rwayonm Bondjé-a ké fè ?
Jézi té savé ki rwayonm Bondjé-a té ké sèl gouvèrnman-an ki ké pouvé réglé problèm asou latè-a. Nou pouvé sir di sa gras a tousa sa rwayonm-an ja fè. Kisa i fè ?
KIMOUN NOU SA ?
Poukisa étidyé Labib-a ?
Labib-a ka bay milyon moun annan monn-an répons anlè gran késyon lavi-a. Ès ou té ké lé sa roun annan yé ?
ANSÈYMAN LABIB-A
Éséyé nou léson asou Labib-a
Ou pouvé étidyé Labib-a ké roun moun pou idé ou san ou pa bézwen péyé.
