Tera Ana Tautaeka n Uea te Atua?
Ko na taekinna bwa . . .
-
te bwai teuana ae mena i nanom?
-
bon tii te kaikonaki?
-
te tautaeka ae mena i karawa?
TE BAE E TAEKINAKI N TE BAIBARA
“E na kateirakea te tautaeka teuana Atuani karawa. E na bon aki uruaki te tautaeka anne.”—Taniera 2:44, Te Baibara ni Katorika.
“Ti anganaki te nati te mwane; ao e na mena te tautaeka i aon angana.”—Itaia 9:6, Te Baibara.
MANENANA IBUKIM
-
Te tautaeka ae raoiroi ae ko kona ni kakabwaiaaki iai.—Itaia 48:17, 18.
-
E nang reke te maiu ae kororaoi ao te kimwareirei ae bati n te waaki ae boou i aon te aba.—Te Kaotioti 21:3, 4.
TI KONA N ONIMAKINA RAOI TE BAE E TAEKINAKI N TE BAIBARA?
Eng, bwa iai bukina aika uoua:
-
E kaota te bwai ae na kakororaoaki Iesu n Ana Tautaeka n Uea te Atua. E reireinia taan rimwina Iesu bwa a na tataroa rokon Ana Tautaeka n Uea te Atua ao karaoan nanona i aon te aba. (Mataio 6:9, 10) E kaota aroni kaekaan te tataro anne Iesu.
Ni menan Iesu i aon te aba ao e kaamwarakeia aika baki, e kamarurungia aoraki ao e kautia maate! (Mataio 15:29-38; Ioane 11:38-44) Ngkai e nang riki bwa te tia tautaeka n Ana Tautaeka n Uea te Atua n te tai ae na roko, e a kaota te banna ae rangi n tamaroa n te bwai ae na karaoia te Tautaeka n Uea anne ibukia te botannaomata.—Te Kaotioti 11:15.
-
E na kateimatoaaki te aonnaba aei n Ana Tautaeka n Uea te Atua ae i aoni kawaina n roko. E taetae ni burabetinna Iesu bwa imwaini karokoan te rau n te aonnaba iroun te Tautaeka n Uea, ao a na karawawataaki moa aomata n te buaka, te rongo ao te mwaeiei.—Mataio 24:3, 7.
Ni boong aikai ao ti a noria bwa a riki baikanne. Ngaia are ti aki nanououa bwa e a kaan rokon Ana Tautaeka n Uea te Atua ni kamaunai kangaanga aikai ni kabane.
TE BAE E NA IANGOAKI
Tera aron te maiu i aan ana kairiri Ana Tautaeka n Uea te Atua?
E na kaekaaki te titiraki anne man te Baibara n TAIAN ARERU 37:29 ao ITAIA 65:21-23.
Ko Bae Naba n Tangira
REIREI AIKA RANGI NI KAKAWAKI N TE BAIBARA
Tera Ana Tautaeka n Uea te Atua?
N ana mwakuri ni minita Iesu ao e bati riki ana tai n angareirei i aon taekan Ana Tautaeka n Uea te Atua. I nanon tienture aika bati, a a tia taan rimwina n tataroa rokon te Tautaeka n Uea anne.
TE TAUA-N-TANTANI
Tera ae E na Kakororaoia Ana Tautaeka n Uea te Atua?
E ataia Iesu ae Ana Tautaeka n Uea te Atua bon tii ngaia te tautaeka ae kona ni katoki kangaanga aika n te aonnaba. Tera ae e a tia ni karaoia te Tautaeka n Uea aei ae e rikirake iai onimakinana iroura?
TITIRAKI AIKA KAEKAAKI MAN TE BAIBARA
Te Rau n te Aonnaba—E na Kangaa n Reke?
Reiakina aron te Atua ni beritana reken te rau n te aonnaba rinanon Ana Tautaeka n Uea.
RONGORONGORA
E Aera Ngkai E Raoiroi te Reirei n te Baibara?—Taamnei ae Bwanin
Iai n te Baibara kaekaan titiraki aika kakawaki ibukin te maiu ibukia aomata aika mirion ma mirion ni kabutaa te aonnaba. Ko kan ataia naba?
