“Ñandejára omoĩta peteĩ rréino núnka noñehundimoʼãiva” (Daniel 2:44).

“Ñandejára ha Cristo Rréino ogoverna hína ko yvy” (Apocalipsis 11:15, Ñandejára Ñeʼẽ La Biblia Traducción del Nuevo Mundo).

• Oĩta peteĩ goviérno ihústova ikatútava nepytyvõ (Isaías 48:17, 18).

• Oĩta peteĩ múndo pyahu, upépe ndaiporimoʼãvéi mbaʼasy, ha reikóta vyʼápe (Apocalipsis 21:3, 4).

Si, jahechamína mbaʼérepa:

• Jesús ohechauka vaʼekue mbaʼépa ojapóta Ñandejára Rréino. Jesús omboʼe vaʼekue isegidorkuérape ojerure hag̃ua tou Ñandejára Rréino ha tojejapo Ñandejára volunta ko yvy ape ári (Mateo 6:9, 10). Jesús ohechauka vaʼekue mbaʼéichapa oñekontestáta pe ñemboʼe.

  Oĩrõ guare ko yvy ape ári Jesús omongaru umi iñembyahýivape, omonguera umi hasývape ha omoingove jey umi omano vaʼekuépe (Mateo 15:29-38; Juan 11:38-44). Jesús ningo pe rréi ogovernátava Ñandejára Rréinope ha umi milágro rupive ohechaukáma vaʼekue mbaʼépa ojapóta pe Rréino umi hénte rehehápe (Apocalipsis 11:15).

• Umi mbaʼe oikóva ko múndope ohechauka Ñandejára Rréino outamaha. Jesús heʼi vaʼekue pe Rréino ogueru mboyvemi paz ko yvy ape ári, ko múndope oĩtaha hetaiterei gérra, ñembyahýi ha terremóto (Mateo 24:3, 7).

  Ñande jahecha koʼã mbaʼe oikopaitemaha koʼág̃a. Upévare ikatu ñaime segúro Ñandejára Rréino koʼẽrõitéma osolusionataha entéro umi provléma.