“Tumpa ara pe oï vae omopüata metei mborookuaía mbaetɨ eteita oyemboai vae.” (Daniel 2:44, Tumpa Iñee).

“Taɨ omee yandeve, jae mburuvicha ko.” (Isaías 9:6).

• Kuae gobierno jupigüe vae ipuere ndemborɨ kavi (Isaías 48:17, 18).

• Ɨmaäma yaikota ɨvɨ ipɨau vae pe, yerovia reve jare ngaraa ye kia mbae jasɨ (Apocalipsis 21:3, 4).

Kuaepe yaechata mokoï mbaere:

• Jesús oechaukama mbaepa oyapota yandeRu Igobierno. Jesús omboe jemimboe reta pe toyerure tou yandeRu Igobierno jare toyeapo yandeRu oipotagüe ɨvɨ pe vae (Mateo 6:9, 10). Jae oechaukama vi këraitapa kuae yerure oyemboyevɨta.

  Oime ɨvɨ pe yave, Jesús omongaru iyɨmbɨaɨ vae, omonguera imbaerasɨ vae jare omoingoveye omanogüe vae (Mateo 15:29-38; Juan 11:38-44). YandeRu Igobierno Mburuvicha Guasu rami, Jesús oechaukama mbae ikavi yae vae oyapota ɨvɨ pegua reta peguarä (Apocalipsis 11:15).

• Añave oasa vae oechauka michima oata yandeRu Igobierno ou vaerä. Jesús ombotenondema oimeta ñeraro reta, karuai reta jare ɨvɨkana reta ketɨ ketɨ rupi ndei yandeRu Igobierno gueru mbɨakatu ɨvɨ pe mbove (Mateo 24:3, 7).

  Yande yaecha kuae reta oasa oï añave rupi. Jaeramo yandepuere yarovia katu michima oata yandeRu Igobierno omokañɨ vaerä opaete mbaeavai reta.