Etẹwẹ Ahọluduta Jiwheyẹwhe Tọn Yin?
Be hiẹ nọ pọ́n ẹn hlan taidi . . .
-
nude he tin to ahun towe mẹ wẹ ya?
-
hogbe nuyijlẹdonugo tọn de wẹ ya?
-
gandudu de he tin to olọn mẹ wẹ ya?
NUHE BIBLU DỌ
“Jiwheyẹwhe olọn tọn na ze ahọludu de daga, he ma na yin viva gbede.”—Daniẹli 2:44.
“Yè na visunnu de hlan mí; ahọludu nasọ tin to abọ́ etọn ji.”—Isaia 9:6.
ALE HE ENẸ SỌGAN HẸNWA NA WE
-
Gandudu dodowiwa tọn de he sọgan hẹn ale wá na hiẹ lọsu.—Isaia 48:17, 18.
-
To aihọn yọyọ he ja lọ mẹ, a na nọgbẹ̀ to agbasalilo pipé mẹ podọ to ayajẹ mẹ.—Osọhia 21:3, 4.
BE MÍ SỌGAN YÍ NUHE BIBLU DỌ SÈ NUGBONUGBO YA?
Mọwẹ, e whè gbau na whẹwhinwhẹ́n awe ehelẹ wutu:
-
Jesu do nuhe Ahọluduta Jiwheyẹwhe tọn na wà lẹ hia. Jesu plọn hodotọ etọn lẹ nado nọ hodẹ̀ na Ahọluduta Jiwheyẹwhe tọn ni wá podọ na ojlo Jiwheyẹwhe tọn ni yin wiwà to aigba ji. (Matiu 6:9, 10) Jesu do lehe odẹ̀ enẹ na mọ hẹndi do hia.
To whenue Jesu to aigba ji, e na núdùdù mẹhe huvẹ to hùhù lẹ, gbọazọ̀nna awutunọ lẹ, bo fọ́n oṣiọ lẹ! (Matiu 15:29-38; Johanu 11:38-44) Taidi mẹhe na yin Gandutọ Ahọluduta Jiwheyẹwhe tọn to sọgodo, Jesu ze ohia dagbedagbe lẹ dai gando nuhe Ahọluduta enẹ na wá wà na mẹhe kẹalọyi i lẹ go.—Osọhia 11:15.
-
Nuhe to jijọ to aihọn lọ mẹ lẹ dohia hezeheze dọ Ahọluduta Jiwheyẹwhe tọn na wá to madẹnmẹ. Jesu dọ dọdai dọ ojlẹ kleun de whẹpo Ahọluduta lọ na hẹn jijọho wá aigba ji, awhàn, huvẹ, po aigba sisọsisọ po na gọ́ aihọn lọ mẹ.—Matiu 24:3, 7.
Onú ehe lẹpo wẹ to jijọ to egbehe. Enẹwutu, mí sọgan deji dọ Ahọluduta Jiwheyẹwhe tọn na doalọtena nuhahun ehe lẹpo.
DINDONANU
Nawẹ gbẹninọ na te do to Ahọluduta Jiwheyẹwhe tọn glọ?
Biblu na gblọndo kanbiọ ehe tọn to PSALM 37:29 po ISAIA 65:21-23 po mẹ.
A Gán Sọ Pọ́n Hosọ Ehelẹ
NUPLỌNMẸ TANGAN BIBLU TỌN LẸ
Etẹwẹ Ahọluduta Jiwheyẹwhe Tọn Yin?
Ahọluduta Jiwheyẹwhe tọn ji wẹ Jesu dọhodo hugan to lizọnyizọn etọn whenu. Na owhe susu lẹ, hodotọ etọn lẹ nọ hodẹ̀ dọ Ahọluduta enẹ ni wá.
ATỌ̀HỌ̀-NUHIHỌ́ LỌ TỌN
Dagbe Tẹwẹ Ahọluduta Jiwheyẹwhe Tọn Na Wà?
Jesu yọnẹn dọ Ahọluduta Jiwheyẹwhe tọn kẹdẹ wẹ gán didẹ nuhahun gbẹtọvi lẹ tọn. Etẹwẹ Ahọluduta lọ ko wà nado hẹn mí deji dọ e na jla nulẹ do?
GBLỌNDO NA KANBIỌ SINAI DO BIBLU JI LẸ
Jijọho to Aigba Ji—Nawẹ E Na Wá Gbọn?
Plọnnu gando lehe Jiwheyẹwhe dopagbe nado hẹn jijọho wá aihọn mẹ gbọn Ahọluduta etọn gblamẹ do go.
ATỌ̀HỌ̀-NUHIHỌ́ LỌ TỌN
Ahọluduta Jiwheyẹwhe Tọn—Gandudu de He Ma Nọ Hò Ahizi
Onú voovo ṣidopo delẹ dohia dọ Ahọluduta enẹ ma nọ hò ahizi pọ́n gbede.
YỌ́N MÍ DOGỌ
Naegbọn Mí Dona Plọn Biblu?—Adà Gigọ́
Biblu to alọgọna gbẹtọ livi susu lẹdo aihọn pé nado mọ gblọndo na kanbiọ tangan gbẹ̀mẹ tọn lẹ. Be hiẹ lọsu jlo na tin to yé mẹ ya?
NUHE BIBLU PLỌN MÍ
Tẹ́n Tito Biblu Pinplọn Tọn Mítọn Pọ́n
A gán plọnnu vọnu hẹ mẹplọntọ de nukun sọ nukun nado mọ ayinamẹ sinai do Biblu ji lẹ yí.
