«Yuútsi mɨyuawitsíe kiekame ʼIitsɨɨkame panukakení mɨkɨ nɨʼarikaya wakwaʼuʼaní». (Daniel 2:44, Traducción del Nuevo Mundo.)

«Kanimariwemɨkɨ kemɨʼane taheimá makawe nuʼaya kanimariwámɨkɨ tiʼaitame [Jehová] kanipitɨamɨkɨ [...] kemɨtiʼaita pɨkatipaare hatsuaku xewitɨ kwaʼeʼiwa». (Lucas 1:32,33, Cacaüyari Niuquieya Xapayari, ʼutɨarika hiikɨ kemɨtiuʼutsiwa hepaɨ.)

• Tita mɨtiheitserie mɨkɨ ʼIitsɨɨkame kaninaakeni yeʼumieme katanipareewiemɨkɨ (Isaías 48:17, 18).

• Kwitɨwa, kwieé hekwatɨ mayanitsíe, teyutemamaawiekame katanayeitɨamɨkɨ metá tekatekukúyeme (Revelación 21:3, 4).

Hɨ, tihuutame tetenixeiyakuni:

• Ketsuútsi katiniuhekɨatá kemɨtiyurieni keane ʼIitsɨɨkame Yuútsi mayeitɨa. Tiwarutiʼɨkitɨa keane hamatɨana memɨkuʼuwakai xenewauká yunenewierikatsíe, keane Yuútsi ʼIitsɨɨkame mayeitɨa mɨnuanikɨ metá tita Yuútsi mɨtinaake hepaɨ mɨtiyɨnikɨ kwieepa (Mateo 6:9, 10). Tsiere pɨtiuhekɨataxɨ kehepaɨ yeme mɨrayeʼaní mɨkɨ nenewierika.

  Kwieepa muyeikakaitsíe, Ketsuútsi tiwarumí memeuhaakakwikukai, waranayexɨri tekwikwíkate metá waranukuʼuitɨa mɨɨkite (Mateo 15:29-38; Juan 11:38-44). Mɨkɨ ʼIitsɨɨkame mayanikekaikɨ, ʼeetsíwa xeikɨ́a pɨtiuhekɨataxɨ tita yeme ʼaixɨ tiʼaneeneme mɨtiʼatɨani keane waheetsíe tinɨʼaatɨ mayanitsíe (Revelación 11:15).

• Kemɨtiyeyɨɨxime naitsarie pɨtikuhekɨatá kenaame Yuútsi ʼIitsɨɨkame mayeitɨa kwitɨwa rí tinɨʼaatɨ ʼayaaní. Ketsuútsi putayɨ́ kenaame meri titixuawerekekai naitsarie waɨkawa kuyaxá, haaka metá kwieé ʼutayuatɨ ʼayanikekai yetiyɨɨyu Yuútsi ʼIitsɨɨkame mayeitɨa ʼaixɨ tiyurienikekai naime Kwieepatsíe (Mateo 24:3, 7).

  Hiikɨ temuʼuwatsíe teutexeiya waɨkawa kuyaxá, haaka, metá kwieé putayuane. Yeʼumieme ʼaixɨ pɨʼane yuri temɨteʼerieka yeme kwitɨwa Yuútsi ʼIitsɨɨkame mayeitɨa ʼaixɨ tiyeyurietɨyanikɨ.