Akupin ati tusa Yuus anaikiamusha awash?
Amesha waritmea . . .
-
ee, tamek?
-
atsa, tamek?
-
cha, awash tamek?
YUUS PAPII TAWAI
“Yuus, chikichan anaik apujsattawai. Nu anaikiamunka yaksha akintrukchattawai” (Daniel 2:44, Traducción del Nuevo Mundo [TNM]).
“Chikichik uchi akintiurmaitji, ni uunt anaikiamu ajas pujuttawai” (Isaías 9:6, TNM).
NEKAJNIA NU ITIUR YAINMAJ
-
Yuusa anaikiamurinkia penker akupniuiti, chikichkimias yainmakminiaitji (Isaías 54:13).
-
Ju nunkanam warikmas shiiram ajasmatai jaamush atsamunam warasar pujustin atatui (Apocalipsis 21:3, 4).
WARI AKUI YUUS PAPII TANA NU NEKASAITI TIMINIAITIAJ?
Ju enentai akui nekasaiti timiniaitji:
-
Yuusa anaikiamuri najanattana nuna Jesús iniakmasmiayi. Jesús ni nemarin ainian Yuusa akupeamuri warik tatii tura ju nunkanmash ame wakeramna aintsan najannati tu seatarum timiayi (Mateo 6:9, 10). Nu seamma itiura uminkiatta nunasha iniakmasmiayi.
Jesús ju nunkanam pujumiania nui, tsukamainian ayurkamamiayi, jainian tsuarmiayi, jakancha iniankimiayi (Mateo 15:29-38; Juan 11:38-44). Yuusa akupeamurin Jesús anaikiamu atin asa, nin umirin ainianun ukunma nui penkeran najanattana nuna iniakmamsamiayi (Apocalipsis 11:15).
-
Ju nunkanam itiurchat nankaamamu iniakmawai Yuusa akupeamuri warik tatatna nuna. Yuus akupin anaikiamuri ju nunkanam shiir pujustin jeatsain, tsukamamu, ti uurma atatui Jesús timiayi (Mateo 24:3, 7).
Yamai nu itiurchat wainiaji. Tuma asamtai Yuusa anaikiamuri warikmas mash iwiarattawai taji.
ENENTAIMIA AJAKIA
Yuus anaikiamu ju nunkanam akupeakui urukuk ati?
Tu enentaimmena nuka Yuus papiinium wainkiattame MATEO 5:5; ISAÍAS 65:21-23.
Jusha awai
ENSEÑANZAS IMPORTANTES DE LA BIBLIA
Yuusa anáikiamurisha itiurkatta?
Jesús juu nunkanam pujus, akupin ati tusa Yuus anaitiuktatui, tu aujmatniuyayi. Kristu aents Yuusan seainiak: “Ame anáikiamuram juisha akupín atí” tu tiniu áiniawai.
IISHA YAITIAJ
¿Urukamtai Yuús Papii unuimiartiniaitiaj?
Ashí nunkanmaya, untsurí aénts, nékachmarin, Yuús Papiinium nekaawaruiti. Juú Papii iijiai unuimiarminiam tusar ipiamayi.
YUUSA CHICHAME JINTINKRATMA
Yuusa chichame iijiai unuimiatrata
Amesha Yuusa chichame yupichuch kuitchajai unuimiatrata.
