Ũsumbĩ wa Ngai nĩ kyaũ?
We no wasye Ũsumbĩ ũsu nĩ . . .
-
kĩndũ kĩthĩawa ngoonĩ?
-
kĩndũ kyaĩle kũeleeka kwa nzĩa ya ngelekany’o?
-
kana nĩ silikalĩ ya ĩtunĩ?
MBIVILIA YAĨTYE ATA?
“Ngai wa ĩtunĩ akaũngamya ũsumbĩ ũtakaanangĩka tene na tene.” —Ndanieli 2:44, The Bible in Kikamba, 1974.
‘Nĩtũnengetwe mwana mũndũ mũũme; na ũsumbĩko ũkeethĩwa kĩtuonĩ kyake.’—Isaia 9:6.
ŨNDŨ KŨMANYA ŨU KŨTONYA ŨKŨTETHYA
-
No kũũtetheesye ũmanye kana kwĩ silikalĩ yĩ na ũlũngalu ĩla ĩtonya kũũtethya we mwene.—Isaia 48:17, 18.
-
Ĩngĩ, no kũũtetheesye ũmanye kana nthĩnĩ wa nthĩ nzaũ ĩla yũkĩte kũikethĩwa ũwau, na andũ makeethĩawa na ũtanu.—Ũvuan’yo 21:3, 4.
NĨTŨTONYA KŨĨKĨĨA ŨNDŨ MBIVILIA YAĨTYE?
Ĩĩ, nũndũ wa itumi ta ilĩ:
-
Yesũ nĩwoonanisye kĩla Ũsumbĩ wa Ngai ũkeka. Yesũ amanyĩisye aatĩĩi make mavoyae Ũsumbĩ wa Ngai wũke, na kwenda kwake kũyĩkwa kũũ nthĩ. (Mathayo 6:9, 10) Nĩwasyokie oonany’a ũndũ mboya ĩsu ĩkasũngĩwa.
Ĩla Yesũ waĩ kũũ nthĩ nĩwamanengie lĩu ala maĩ na nzaa, avosya awau, na athayũũkya akw’ũ! (Mathayo 15:29-38; Yoana 11:38-44) Nũndũ Yesũ nĩwe waĩ ethĩwe Mũsumbĩ wa Ũsumbĩ wa Ngai, eekie maũndũ asu nĩ kana onany’e moathimo ala makatanĩwa nĩ andũ ala makethĩwa ungu wa Ũsumbĩ ũsu.—Ũvuan’yo 11:15.
-
Maũndũ ala maendeee ĩũlũ wa nthĩ meonany’a kana Ũsumbĩ wa Ngai wĩ vakuvĩ. Yesũ athanie kana Ũsumbĩ ũsu ũtambĩte kũete mũuo kũũ nthĩ, kwaĩ kwĩthĩwe makaũ, nzaa, na itetemo sya nthĩ.—Mathayo 24:3, 7.
Maũndũ asu nĩmo me kw’o ũmũnthĩ. Kwoou, no twĩthĩwe na mũĩkĩĩo kana Ũsumbĩ wa Ngai ũkilyĩ kũmina mathĩna asu onthe.
KWASŨANĨA ĨKŨLYO YĨĨ:
Kũkeethĩwa kũilyĩ ata ĩla Ũsumbĩ wa Ngai wĩsumbĩka?
Mbivilia nĩsũngĩĩte ĩkũlyo yĩu ĩandĩkonĩ ya SAVULI 37:29, na ya ISAIA 65:21-23.
No Wendeewʼe Nĩ Ii
MOMANYĨSYO MA VATA MA MBIVILIA
Ũsumbĩ wa Ngai Nĩ Kyaũ?
Ĩla Yesũ waĩ ĩũlũ wa nthĩ, amanyĩisye ĩũlũ wa Ũsumbĩ wa Ngai kwĩ ũvoo ũngĩ o na wĩva. Kwa myaka maana maingĩ, andũ methĩĩtwe maivoya Ũsumbĩ ũsu wũke.
MŨSYAĨĨSYA
Ũsumbĩ wa Ngai Ũkeanĩsya Maũndũ Meva?
Yesũ nĩweesĩ kana no Ũsumbĩ wa Ngai ũtonya kũmina mathĩna ala me ĩũlũ wa nthĩ. Nĩ maũndũ meva ala Ũsumbĩ ũsu wĩkĩte meũtũĩkĩĩthya ũu?
MOSŨNGĨO MA MAKŨLYO MA MBIVILIA
Nĩ Kyaũ Kĩkaete Mũuo Ĩũlũ wa Nthĩ?
Ĩmanyĩsye ũndũ Ngai wathanĩte kũete mũuo ĩũlũ wa nthĩ kwĩsĩla Ũsumbĩ wake.
MŨSYAĨĨSYA
Ũsumbĩ wa Ngai nĩ Silikalĩ Ndĩkĩĩku
Maũndũ thanthatũ ala matũĩkĩĩthasya kana Ũsumbĩ wa Ngai ndũkethĩwa na ũlũsani
ĨŨLŨ WITŨ
Nĩkĩ Waĩle Kwĩmanyĩsya Mbivilia?
Mbivilia nĩtumĩte andũ milioni mbingĩ ĩũlũ wa nthĩ makwata mosũngĩo ma makũlyo ala ma vata vyũ thayũnĩ. We nũkwenda kwĩthĩwa ũmwe wa andũ asu?
MOMANYĨSYO MA MBIVILIA
Ambĩĩa Kwĩmanyĩsya Mbivilia Naitũ
Ambĩĩa kwĩmanyĩsya Mbivilia na mwalimũ waku vate ndĩvi.
