Utawala wa Nnungu ni nyamani?
Wako ukate doni ni . . .
-
shinu shivele muntima mwako?
-
shinu shakushang’apika?
-
ishilikali yakuwa?
LOLA SHITANGALEKA MU IBIBILIYA
“Nnungu wakuwa andavika ishilikali ikalota kubamolegwa mwiko.”—Daniyele 2:44, Tradução do Novo Mundo.
“Mwana jumo vanditupa; na utawala wake undaida ndava mu mavoko mwake.”—Ishaiya 9:6.
MWAA SHANI NI SHAMBONE KUMANYA VINU AVI
Wako undapuwanga pakumanya kenga . . .
-
ipali ishilikali yambone ilota kukuposhela.—Ishaiya 48:17, 18.
-
mushilambo shaambi shida mushu, undapata shingumi na shinamilo shambone pamo na lipuwilo.—Maono 21:3, 4.
INKUTUVAIKILA TUKULUPILE SHITANGALEKA MU IBIBILIYA?
Elo, mwaa wadishaliya mbili:
-
Yesu andilodya shailota kutenda Ishilikali ya Nnungu. Yesu andivapundisha vakwoda vake pakulota vajugwe kwida kwa Ishilikali ya Nnungu na pakulota malotelo a Nnungu atandeke mushilambo shapai. (Mateu 6:9, 10) Yesu andilodya mwashi mwalilota kujang’uligwa lijugwilo alyo.
Yesu pavele mushilambo shapai, andivalisha vaindala, andivaponia valwele na andivatakatuwa vakupela. (Mateu 15:29-38; Nshuwau 11:38-44) Kwamaduva anao, kenga munu alota kuva Umu wa Ishilikali ya Nnungu, Yesu andilodya vinu vyambone vyailota kutenda Ishilikali kwavanu valota kulangalalegwa na yanao.—Maono 11:15.
-
Mavalelo amushilambo ankulodya kenga Ishilkali ya Nnungu indaida ambipopa. Yesu andítangola kenga Utawala wa Nnungu ukanava kwidanavo amani, mushilambo dikandyumilila dingʼondo, indala na vindangenda. —Mateu 24:3, 7.
Maduvano wetu tunkwona vinu avi vitandeka. Pavele doni, tunkulula kukulupila kenga ambipopa Ishilikali ya Nnungu indamalidya matatisho ala uti.
KUMBUKILA
Shinamilo shilota kuva dashi pailota kutawala Ishilikali ya Nnungu shilambo shapai?
Ibibiliya inkujang’ula kudya aku mu DIMU 37:29 na ISHAIYA 65:21-23.
You May Also Like
WETU TUVANANYANI
Mwashani Inkutuvaikila Tulipundishe Ibibiliya?
Dimilioni dyavanu mushilambo vankupata majibu a vyakudya vikumene vyashingumi mu Ibibiliya. Unkulota uve mumpinga awo?
