Kaei ka Hima jong U Blei?
Hato phin ong ka dei . . .
-
kaei kaei kaba don ha ka dohnud jong phi?
-
tang ki khana puriskam?
-
ne ka sorkar kaba don ha bneng?
AÏU KA BAIBL KA ONG
“U Blei ka bneng un pynïeng ïa ka hima, ïa kaba yn ym pynduh lano lano ruh.”—Daniel 2:44, BSI O.V. Reference.
“La ai ïa u khun ha ngi; te ka jingsynshar kan long halor ka tyrpeng jong u.”—Isaïah 9:6.
KATA KAN MUT AÏU ÏA PHI
-
Ka sorkar kaba hok kaba lah ban pynmyntoi ïa phi shimet shimet.—Isaïah 48:17, 18.
-
Ha ka pyrthei ba thymmai, ka jingim kaba suk lem bad ka jingkoit jingkhiah ba janai.—Jingpynpaw 21:3, 4.
HATO NGI LAH BAN NGEIT ÏA KAEI BA KA BAIBL KA ONG?
Hooid, namar ar tylli ki daw:
-
U Jisu u la pyni aïu ka Hima jong U Blei kan leh. U Jisu u la hikai ïa la ki synran ban duwai na ka bynta ka Hima jong U Blei ka ban sa wan bad ba ka mon jong U Blei kan long ha ka khyndew. (Mathaïos 6:9, 10) U Jisu u la pyni ba kumno yn jubab ïa kato ka jingduwai.
Mynba u don ha ka pyrthei, u Jisu u la pynkdang ïa kiba thngan, pynkhiah ïa kiba pang bad pynmihpat ïa kiba la ïap! (Mathaïos 15:29-38; Ïoannis 11:38-44) Kum u Nongsynshar, u Jisu u la pyni lypa aïu ka Hima jong U Blei kan leh na ka bynta ki briew.—Jingpynpaw 11:15.
-
Ki jinglong jong ka pyrthei ki pynshisha ba ka Hima jong U Blei ka la jan. U Jisu u la ïathuhlypa ba shuwa ba ka Hima kan wanrah jingsuk ha ka pyrthei, ka pyrthei jong ngi kan ïoh mad ïa ki jingjynjar kum ki thma, ki ’nemsniew bad jingkhynñiuh jumai.—Mathaïos 24:3, 7.
Ngi ïohi ïa kum kine ki jingjia mynta. Te ngi lah ban shaniah skhem ba shen ka Hima jong U Blei kan pynkut ïa kum kita ki jingeh baroh.
BAN PYRKHAT SHAPHANG
Kumno ka jingim kan long hapoh ka jingsynshar jong ka Hima U Blei?
Ka Baibl ka jubab ïa kata ka jingkylli ha SALM 37:29 bad ISAÏAH 65:21-23.
You May Also Like
KA KUTPHIRA
Ka Hima U Blei Kan Leh Aïu?
U Jisu u tip ba dei tang ka Hima U Blei kaba lah ban weng ïa ki jingeh jong ka pyrthei. Kaei ba kane ka Hima ka la leh khnang ban pynkhlaiñ ïa ka jingshaniah jong ngi ha ka?
SHAPHANG JONG NGI
Balei pule ïa ka Baibl?—Video ba Pura
Ka Baibl ka ai jubab ïa ki jingkylli ba kongsan jong ka jingim, ban ïarap ïa ki phew lak ngut ki briew ha satlak ka pyrthei. Hato phi kwah ban long kum iwei na ki?
