Ũthamaki wa Ngai nĩ Kĩĩ?

THAAKA

Hihi ũngiuga . . .

nĩ kĩndũ kĩrĩ thĩinĩ wa ngoro yaku?
nĩ gĩkeno kĩa matu-inĩ?
nĩ thirikari ya igũrũ?

ŨRĨA BIBILIA YUGAGA

“Ngai wa igũrũ nĩ akaahanda ũthamaki ũrĩa gũtarĩ hĩndĩ ũkaanangwo.”—Danieli 2:44, New World Translation in Kikuyu.

‘Nĩ tũheetwo kahĩĩ; na thirikari nĩ ĩgaaikara kĩande-inĩ gĩako.’—Isaia 9:6; kohoro ka magũrũ-inĩ.

ŨRĨA ŨNDŨ ŨCIO ŨNGĨGŨTEITHIA

Nĩ thirikari ya ũthingu ĩrĩa ĩngĩkũguna wee mwene.—Isaia 48:17, 18.
Thĩinĩ wa thĩ njerũ ĩrĩa ĩroka, nĩ ũkaagĩa na ũgima mũkinyanĩru wa mwĩrĩ na gĩkeno.—Kũguũrĩrio 21:3, 4.

HIHI KŨNA NO TWĨTĨKIE ŨRĨA BIBILIA YUGAGA?

Ĩĩ, nĩ ũndũ wa itũmi itanyihĩire igĩrĩ:

Jesu nĩ oonanirie maũndũ marĩa Ũthamaki wa Ngai ũkaahingia. Jesu aarutire arũmĩrĩri ake mahoyage atĩ Ũthamaki wa Ngai ũũke na wendi wa Ngai wĩkagwo gũkũ thĩ. (Mathayo 6:9, 10) Jesu nĩ oonanirie ũrĩa ihoya rĩu rĩgaacokio.

Rĩrĩa Jesu aarĩ gũkũ thĩ nĩ aahũnirie arĩa maarĩ ahũtu, akĩhonia arwaru, na akĩriũkia akuũ! (Mathayo 15:29-38; Johana 11:38-44) Jesu nĩ oonanirie wega biũ ũrĩa Ũthamaki ũcio ũgeekĩra raia aguo arĩ Mũthamaki wa Ũthamaki wa Ngai.—Kũguũrĩrio 11:15.
Maũndũ marĩa marekĩka thĩinĩ wa thĩ maronania atĩ ica ikuhĩ Ũthamaki wa Ngai nĩ ũgũka. Jesu aarathire atĩ ihinda inyinyi mbere ya Ũthamaki ũcio kũrehe thayũ thĩinĩ wa thĩ, thĩ ĩno itũ ĩngĩkagũmĩrũo nĩ mbaara, ng’aragu, na ithingithia.—Mathayo 24:3, 7.

Maũndũ macio nĩmo tũreyonera ũmũthĩ. Nĩ ũndũ ũcio, no tũgĩe na ũũma atĩ ica ikuhĩ Ũthamaki wa Ngai nĩ ũkũniina mathĩna mothe ma mũthemba ũcio.

TA WĨYŨRIE

Ũtũũro ũgaakorũo ũhaana atĩa hĩndĩ ya wathani wa Ũthamaki wa Ngai?

Bibilia nĩ ĩcokagia kĩũria kĩu thĩinĩ wa THABURI 37:29 na ISAIA 65:21-23.

Icunjĩ Ingĩ Hihi Ũngĩenda Gũthoma

MORUTANI MA BATA MA BIBILIA

Ũthamaki wa Ngai nĩ Kĩĩ?

Hĩndĩ ĩrĩa Jesu aahunjagia gũkũ thĩ, aarutanaga ũhoro wĩgiĩ Ũthamaki wa Ngai makĩria ya ũndũ ũngĩ o wothe. Kwa ihinda rĩa mĩaka magana maingĩ, arũmĩrĩri ake makoretwo makĩhoya Ũthamaki ũcio ũũke.

MŨRANGĨRI

Ũthamaki wa Ngai Ũgeeka Maũndũ Marĩkũ?

Jesu nĩ aamenyaga atĩ Ũthamaki wa Ngai noguo tu thirikari ĩrĩa ĩngĩhota kũniina mathĩna thĩinĩ wa thĩ. Nĩ maũndũ marĩkũ Ũthamaki ũcio wĩkĩte mangĩtũma tũkorũo na ma na ũndũ ũcio?