Ouhamba waKalunga oshike?
Mbela oto ti kutya . . .
-
Oshinima shi li momutima woye?
-
Ehalo laKalunga?
-
Epangelo li li meulu?
OSHO OMBIBELI TAI TI
Kalunga ou komeulu ota ka dika po ouhamba itau ka teka po fiyo alushe.” — Daniel 2:44.
“Omona omumati e tu yandjelwa, nepangelo oli li komapepe aye.” — Jesaja 9:5.
OUWA OO TO DULU OKUMONA NGEENGE OWA SHIIVA KOMBINGA YOUHAMBA WAKALUNGA
-
Epangelo louyuki omo to dulu okumona ouwa pauhandimwe. — Jesaja 48:17, 18.
-
Mounyuni mupe tau uya, oto ka dula okukala u na oukolele wa wanenena nowa hafa. — Ehololo. 21:3, 4.
OHATU DULU NGOO OKWIITAVELA OSHO OMBIBELI TAI TI?
Heeno, ohatu dulu omolwomatomheno avali lwaapo:
-
Jesus okwa ulika osho Ouhamba waKalunga tau ka wanifa po. Jesus okwa honga ovashikuli vaye va ilikane Ouhamba waKalunga u uye opo ehalo laKalunga li wanifwe kombada yedu. (Mateus 6:9, 10) Okwa ulika yo nghee eilikano olo tali ka nyamukulwa.
Eshi Jesus a li kombanda yedu, okwa li a kutifa ovanhu ovo va fya ondjala, a velula ovanaudu nokwa li a nyumuna oonakufya. (Mateus 15:29-38; Johannes 11:38-44) E li Omupangeli womonakwiiwa wOuhamba waKalunga, Jesus okwa li a ulika omauwa oo Ouhamba tau ka etela ovapangelwa. — Ehololo 11:15.
-
Eenghalo dounyuni otadi ulike kutya Ouhamba waKalunga mafiku otau uya. Jesus okwa xunganeka kutya manga ashike Ouhamba inau eta ombili kombda yedu, mounyuni otamu ka kala oita, ondjala nomakakamo edu. — Mateus 24:3, 7.
Eenghalo odo otu di wete kunena. Onghee hano, ohatu dulu okukala nelineekelo kutya mafiku Ouhamba waKalunga otau ka xulifa po omaupyakadi aeshe oo.
DILADILA KOMBINGA YAASHI:
Onghalamwenyo otai ka kala ya tya ngahelipi koshi yOuhamba waKalunga?
Ombibeli otai nyamukula epulo olo MEPSALME 37:29 nosho yo MUJESAJA 65:21-23.
Otashi dulika yo u hafele oikundafanwa ei
OMAHONGO OMBIIBELI A FIMANA
Ouhamba waKalunga oshike?
Eshi Jesus a li kombada yedu, okwa li ha udifa unene kombinga yOuhamba waKalunga. Oule womido, ovashikuli vaye ova kala hava ilikana Ouhamba oo u uye.
OSHUNGONANGELO
Ouhamba waKalunga otau uya okuninga shike?
Jesus okwa li e shii kutya Ouhamba waKalunga oo ashike epangelo tali dulu okukandula po omaupyakadi kombada yedu. Ouhamba waKalunga owa ninga nale shike opo tu kale twe u lineekela?
OSHUNGONANGELO
Ouhamba waKalunga, epangelo olo lihe na oulingilingi
Oinima 6 oyo tai ulike kutya Ouhamba itau ka kala u na nandenande oulingilingi.
KOMBINGA YETU
Omolwashike u na okukonakona Ombibeli?
Ombibeli otai kwafele ovanhu omamiliyona mounyuni aushe va mone omanyamukulo omapulo oo a fimanenena monghalamwenyo. mbela ino hala okukala umwe womuvo?
OMAHONGO OMBIIBELI
Tala nghee eenghundafana detu dopaMbiibeli hadi ningwa
Konakona Ombiibeli naumwe oshali
