“Qilaap Guutiata naalagaaffik qaqugumulluunniit atasussaq pilersikkumaarpaa.” — Danieli 2:44.

“Erneq uatsinnut tunniussaavoq, naalagaassuserlu tuimiugissavaa.” — Esaja 9:5.

• Naalagaassuseq naapertuilluartoq illit iluaqutigisinnaavat. — Esaja 48:17, 18.

• Nunarsuarmi paratiisissami peqqilluinnarlutillu pillualersinnaavutit. — Saqqummersitat 21:3, 4.

Aap, ilaatigut uku marluk pissutigalugit:

• Jiisusip takutimmagu Guutip naalagaaffia qanoq naammassisaqarumaartoq. Jiisusip ajoqersukkani Guutip naalagaaffia tikiuteqqullugu Guutillu piumasaa nunami peqqullugu qinusarnissaannik ilinniartippai. (Matthæusi 6:9, 10) Qinnummi tamatumani qinnutigineqartut qanoq eqquukkumaartut Jiisusip takutippai.

  Jiisusip nunarsuarmiikkallarami kaattut nerisippai, napparsimasut ajorunnaarsippai toqusimasunillu uummartitseqqilluni! (Matthæusi 15:29-38; Johannesi 11:38-44) Taamaaliornermigut Jiisusip, Guutip naalagaaffiani kunngiusussap, Naalagaaffik taanna innuttaminut qanoq naammassisaqarumaartoq takutilluarpaa. — Saqqummersitat 11:15.

• Nunarsuarmi pissutsinit ersermat Guutip naalagaaffia ungasinngitsukkut tikiukkumaartoq. Jiisusip siulittuutigaa Naalagaaffiup nunarsuarmi eqqissisitsinngitsiarnerani sorsunnerit, kaannersuit nunallu sajuttarneri piumaartut. — Matthæusi 24:3, 7.

  Pissutsit taakkorpiaat ullumikkut takusarpavut. Taamaattumik tatigilluinnarsinnaavarput Guutip naalagaaffiata ungasinngitsukkut ajornartorsiutit taakkua tamarluinnaasa atuukkunnaarsissagai.