Чь йә Пʹадшатийа Хԝәде?

ВЕХӘ

Һьнәк ӧса дьфькьрьн, ԝәки әв . . .

тьштәкә кӧ дьлда нә
щики ль әʹзмана
сәрԝерти ль әʹзмана

КʹЬТЕБА ПИРОЗ ЧЬ ДЬБЕЖӘ

«Пʹадшатийа дьнйайе бу йа Хӧдане мә у Мәсиһе ԝи» (Әʹйанти 11:15).

«Жерʹа сәрԝери у мәзьнайи у ԛьраләти [пʹадшати] һатә дайин; сәрԝерийа ԝи сәрԝерийәк кӧ . . . дәрбаз нәбә у абадин [һʹәта-һʹәтайе] бә» (Данийел 7:14).

СӘВА ԜӘ ӘВ ЧЬ ТЕ ҺʹӘСАБЕ

Пʹадшатийа ԛәнщ, йа кӧ дькарә кʹаре тәрʹа бинә (Ишайа 48:17, 18).
Дьнйа тʹәзә бь сьһʹәт-ԛәԝата баш, у бәхтәԝарийе (Әʹйанти 21:3, 4).

ЛЕ ГӘЛО ӘМ ДЬКАРЬН ИТʹБАРИЙА ХԜӘ КʹЬТЕБА ПИРОЗ БИНЬН?

Бәле, у сәва ве йәке дӧ мәʹни һәнә:

Иса нишан кьр, ԝәки Пʹадшатийа Хԝәде ԝе чь бькә. Иса шагьртед хԝә һин дькьр, ԝәки әԝана дӧа бькьн дәрһәԛа һатьна Пʹадшатийа Хԝәде у ԝәки ԛьрара Хԝәде сәва әʹрде бе сери (Мәтта 6:9, 10). Иса нишан кьр, ԝәки щаба ве дӧакьрьне ԝе чаԝа бе дайине.

Чахе Иса ль сәр әʹрде бу, әԝи йед бьрчи тʹер дькьрьн, нәхԝәш ԛәнщ дькьрьн, у һәла һе мьри жь мьрьне рʹадькьрьн! (Мәтта 15:29-38; Йуһʹәнна 11:38-44) Иса, ча Пʹадшайе ахьрийе йа Пʹадшатийа Хԝәде, нишан кьр кӧ әв Пʹадшати сәва бьнәлийед хԝә ԝе чь бькә (Әʹйанти 11:15).
Һʹале дьнйайе избат дькә, ԝәки Пʹадшатийа Хԝәде ԝе зутьрәке бе. Иса готьбу кӧ пешийа ԝе йәке чаԝа Пʹадшатийа Хԝәде әʹдьлайе бинә сәр әʹрде, һʹале дьнйайе ԝе хьраб бә. Демәк шәрʹ, хәлайи-щәлайи у әʹрдһәж ԝе бьбьн (Мәтта 24:3, 7).

Әм дьвиньн ԝәки әв һʹәму тьшт иро дьԛәԝьмьн. Ләма жи әм дькарьн баԝәр бьн, кӧ Пʹадшатийа Хԝәде ԝе зутьрәке кʹӧтасийа ван һʹәму чәтьнайа бинә.