“Padîşahiya dinyayê bû ya Xudanê me .... Ewê her û her padîşahiyê bike” (Peyxam 11:15).

“Ewê ... padîşahiyê bike û dawiya padîşahiya wî nayê” (Lûqa 1:32, 33).

• Hikumdariya Xwedê ji bo me bifeyde ye (Îşaya 48:17, 18).

• Li dinyaya nû, emê karibin bi siheta baş û bi dilşadî bijîn (Peyxam 21:3, 4).

Belê! Bala xwe bidin van sebeban:

• Îsa pêxember nîşan da ku Padîşahiya Xwedê wê çi bike. Wî ji berê de nîşan da ku wexta ku ewê li Padîşahiya Xwedê bibe padîşah, ewê ji bo însanan çi bike (Peyxam 11:15). Gava Îsa pêxember li dinyayê bû, wî kesên birçî têr dikirin, kesên nexweş qenc dikirin û kesên mirî radikirin (Metta 15:29-38; Yûhenna 11:38-44).

  Îsa pêxember ji şagirtên xwe re got ku bila ew wisa dua bikin: “Bila padîşahiya te bê. Daxwaza te wek li ezmên, bila li ser rûyê erdê jî bê cih” (Metta 6:9, 10).

• Halê dinyayê rêyî me dide ku Padîşahiya Xwedê nêzik e. Îsa pêxember ji berê de gotibû ku li rojên dawîn berî hatina Padîşahiya Xwedê, şer, xela û erdhej wê zêde bibin (Metta 24:3, 7).

  Îro, em van tiştan dibînin. Ji ber vê yekê, em dikarin bawer bin ku di demeke nêzik de, Padîşahiya Xwedê wê hemû tiştên xerab tune bike.