“O Nzambi a zulu otongeka kintinu kina ke kifwaswa ko.”​—Daniele 2:44, Nsekola ya Nz’ampa.

“Tuveno mwan’ayakala; o luyalu lukala vana mavembo mandi.”​—Yesaya 9:6; mvovo vana yand’a lukaya.

• O luyalu lwalu lwansongi lulenda twasa nluta muna zingu kiaku.​—Yesaya 48:17, 18.

• Muna nz’ampa okala ye mavimpi mambote ye zingu kiakiese.​—Lusengomono 21:3, 4.

Elo, kadi vena ye kuma yole yamfunu:

• Yesu wasonga mana Kintinu kia Nzambi kilungisa. Walonga alandi andi basambanga vo Kintinu kia Nzambi kiza, o luzolo lwa Nzambi lwavangama ova ntoto. (Matai 6:9, 10) Yesu wasonga una sambu kiaki kivaninua e mvutu.

  Vava kakala ova ntoto, Yesu wadikila ana bafwanga e nzala, wawuka mbevo yo fula awana bafwa. (Matai 15:29-38; Yoane 11:38-44) Wau vo yandi i Ntinu muna Kintinu kia Nzambi, Yesu wasonga mambu mambote mana Kintinu kivanga kwa nkangu andi.​—Lusengomono 11:15.

• Mambu mevangamanga ova nza mesonganga vo ke kolo ko Kintinu kia Nzambi kikwiza. Yesu wasakula vo vitila e Kintinu kiatwasa luvuvamu ova ntoto, e nza ikala ye vita, nzala ye nzakama za ntoto.​—Matai 24:3, 7.

  O unu, tumonanga mambu mama. Muna kuma kiaki, tulenda kala ye vuvu vo ke kolo ko e Kintinu kia Nzambi kifokola mambu mama mawonso.