Kani Ubufumu bwa BaLesa Cindo?
Kani mulalanguluka ati . . .
-
cintu icili mu mutima wa muntu?
-
nindabililo lukoso iya bantu?
-
bufumu bwa kwiulu?
IFI BAIBOLO ILABILA
“BaLesa ba kwiulu bakemika ubufumu, ubutabukonalwapo.”—Danyeli 2:44.
‘Twapeelwa umwana umwalalume; lomba ne bufumu bukalukuli pa cifushi cakwe.’—Yisaya 9:6.
IFI UKUCETEKELA AYA AMASHIWI KUNGAMOFWENIKO
-
Mukeshiba ukwikalika ukulungeme ukungamulengeni mwebo ukushukilamo pa lwenu.—Yisaya 48:17, 18.
-
Kukamofweniko ukwishiba ati mu calo ca bukumo icilukwisa, abantu bakaba ne mweo uuwaminine kabili abasangalele.—Ukufisulula 21:3, 4.
KANI MULI BUCINE TUNGACETEKELA IFI BAIBOLO ILABILA?
Inya, ni pakuti:
-
BaYesu balilangiishe ifi Ubufumu bwa baLesa bukakonsha kuntangiile. BaYesu balibulile abasambile babo ukutembelela Ubufumu bwa baLesa ukweba’ti bwise ne kufwaya kwa baLesa ati kucitwe pa calo. (Matayo 6:9, 10) BaYesu baalilangishe ifi lilya itembelo likaasukwa.
Ili baYesu baali pa calo, baalilishishe abaali ne nsala, baaliposeshe abalwashi, baalibushishe ne bafwile! (Matayo 15:29-38; Yoane 11:38-44) Pakuti baYesu bakaba abekalikishi ba Bufumu bwa baLesa kuntangiile, baalicitile ifiweme ifi Ubufumu bwa baLesa bukacitila abantu ili bukalukwikalika.—Ukufisulula 11:15.
-
Ifilukucitika mu calo filukulangisha lukoso ukweba’ti Ubufumu bwa baLesa bwapalamina. BaYesu balilabiile ati ili Ubufumu tabungaleta ubutende pa calo, mu calo mukaba inkondo, insala, ne fitulika.—Matayo 24:3, 7.
Tulafibone’fyo filukucitika ino myaka. Popele tungacetekela ukweba’ti Ubufumu bwa baLesa bukumo lukoso bukashiliisha amakatasho tulukupitamo.
IFYAKWALAKANYAPO
Kani ubwikashi bukaba shani ili Ubufumu bwa baLesa bukalukwikalike’calo?
Baibolo ilaasuka ici icakwipusha pa AMASAMO 37:29 na YISAYA 65:21-23.
Cipale Mungapendako Nafifi:
IFICINDEME IFI BAIBOLO ISAMBISHA
Kani Ubufumu bwa BaLesa Cindo?
Ili baYesu baalukupyunga umulimo wabo pa calo, Ubufumu bwa BaLesa e cintu ici baalukulabilapo makosa mu kusambisha kwabo. Nakabili, abantu abengi balipitilishe ukutembela’ti ubu Ubufumu bwise.
PALI FWEBO
Nindo Twelelwe Ukusambilila Baibolo?
Baibolo ilukofwako abantu abengi mu calo conse ukusangane’fyakusuko ku fyakwipushe’fibakateshe. Kani mungatemwa ukumofweniko?
