Jméni xi Reino de Dios ʼmi
Jósi...
-
... a yaa ni̱ma̱ná tíjnajin xi kʼoaʼmi
-
... a jngo ʼnde xi ya tíjna ngʼajmi
-
... axo jngo chjotaxá xi ya tíjna ngʼajmi
JE BIBLIA ITSO
“Je Niná xi tíjna ngʼajmi jngo chjotaxá koasennda xi nikʼiajin tjóxin.” (Daniel 2:44, Traducción del Nuevo Mundo.)
“Jngo ʼndí kabʼainá, kʼoa je kʼoaile xá nga koatexoma.” (Isaías 9:6.)
KJOANDA XI SʼENÁ NGA ʼYAA JEBI
-
Chjotaxále Niná ñaki kixiní kʼoa koaan koasenkaoná nga jngó jngoá (Isaías 48:17, 18).
-
Jemachrianle nga ʼndenaxó sikao Sonʼnde kʼoa ñaki ndasʼin kuiyoaa kʼoa alikui tichʼin sʼe̱niná (Apocalipsis 21:3, 4).
A KOAAN KOA̱NKJAINNÁ JOTSO JE BIBLIA
Jaon. Jaola koya kataʼyaa anni:
-
Je Jesús tsakakó jmeni xi sʼin je Chjotaxále Niná. Tsakakóyale je chjotale nga katasíjé nga katafaʼai je Chjotaxále Niná kʼoa nga katabitjoson josʼin mele Niná i̱ Sonʼnde (Mateo 6:9, 10). Kʼoati tsakakó josʼin kuitjoson jebi.
Kʼianga tsakʼejna je Jesús i̱ Sonʼnde kisikjen je xi baole, kisindaya xi chʼin tjínle kʼoa saʼnda kisikjaʼáyale kʼien (Mateo 15:29-38; Juan 11:38-44). Mani nga je koase̱ntítjon nga koatexoma je Chjotaxále Niná, tongini tsakakó choa jmeni xi sʼin nga jekoatexoma (Apocalipsis 11:15).
-
Jme xi chon sonʼnde bakó nga jeme kjoaʼaí je Chjotaxále Niná. Je Jesús kʼoakitso nga kjoanyʼán kjoaʼaíkao i̱ Sonʼnde je Chjotaxále Niná, tonga kʼoakitso nga títjon kjoanla kjoajchán, kjinrá kʼoa kao cháonnʼio sʼe̱ (Mateo 24:3, 7).
Kʼoa jekʼoakjima ndʼaibi. Kuinga koa̱n kʼoéjngosíñá tokoán kʼianga je Chjotaxále Niná jeme kjoaʼaxin ngayeje kjoa jebi.
TIKJAʼAITSJENLAI JEBI
Jósʼin kuiyoaa kʼianga jekoatexoma je Chjotaxále Niná
Yaa kuitsoyali ya SALMO 37:29 kao ISAÍAS 65:21-23.
Tsa kʼoati meli jchai xi tʼatsʼe jebi
XI MACHJÉN NGA JCHAA
Jméni je xi kjoatéxomale Niná tsole Biblia
Nga kitsoyason je Jesús, je xi ngisa kinchja̱ni kui tʼatsʼe kjoatéxomale Niná. Jenkjín siento nó nga kui tjíosíjé chjotale Jesús nga katanroa kjoatéxoma jebi.
XO̱N XI BÁJINKONNÁ
Jméni xi sʼin je Chjotaxále Niná
Je Jesús be nga tojé Chjotaxále Niná xi koa̱nle kʼoendajin je kjoa xi tjín Sonʼnde. Jméni xi jetísʼín Chjotaxále Niná xi bakó nga koa̱n si̱nʼiotʼaa.
XO̱N XI BÁJINKONNÁ
Je Chjotaxále Niná alikui kʼoanacha nga koatexoma
Jaon koya kataʼyai anni nga ʼyasíñá nga tsín kʼoanacha.
XI TʼATSAINJIN
Ánni nga machjénsíni nga chótʼayá je Biblia
Jngo tjíjtsa Sonʼnde miyón chjota xi jetjíobe jmeni xi nʼio kjonangile yaole kʼianga tjíokotʼaya Biblia. A tsí matsjoali nga kʼoati chótʼayai tsanda ji.
