Ki Ete Rwayom Bondie?
Eski ou pou dir se . . .
-
enn kitsoz ki dan ou leker?
-
enn kitsoz sinbolik?
-
enn gouvernman dan lesiel?
SEKI LABIB DIR
“Bondie ki dan lesiel pou etabli enn rwayom ki zame pa pou detrir.”
“Finn donn nou enn garson, ek responsabilite sa gouvernman-la pou lor so zepol.”
KI BIENFE OU POU GAGNE?
-
Ou pou kapav gagn bann bienfe gras-a enn gouvernman ki zis.
—Isaïe 48:17, 18. -
Dan lemond nouvo, ou pou ena enn lasante parfe ek ou pou ere.
—Révélation 21:3, 4.
ESKI NOU KAPAV VREMEM KRWAR SEKI LABIB DIR?
Wi, pou omwin de rezon:
-
Jésus ti montre seki Rwayom Bondie pou fer. Jésus ti ansegn so bann disip pou priye pou ki Rwayom Bondie vini ek pou ki volonte Bondie fer lor later. (Matthieu 6:9, 10) Jésus ti montre kouma Bondie pou reponn sa lapriyer-la.
Kan li ti lor later, Jésus ti nouri bann ki ti fin, geri bann malad, ek resisit bann mor! (Matthieu 15:29-38; Jean 11:38-44) Jésus, ki dan lavenir ti pou vinn Dirizan Rwayom Bondie, ti montre alavans seki sa Rwayom-la ti pou fer pou bann dimounn.
—Révélation 11:15. -
Bann kondision sa lemond-la konfirme ki Rwayom Bondie pre pou vini. Jésus ti anonse ki zis avan sa Rwayom-la amenn lape lor later, ti pou ena lager, lafaminn ek tranbleman-de-ter.
—Matthieu 24:3, 7. Nou pe trouv tousala zordi. Alor, nou kapav sir ki biento Rwayom Bondie pou debaras later ar tou sa bann problem-la.
REFLESI LOR LA
Kouma lavi pou ete kan Rwayom Bondie pou dirize?
Labib reponn sa kestion-la dan PSAUME 37:29 ek ISAÏE 65:21-23.
Ena Osi
ESSENTIAL BIBLE TEACHINGS
Ki Ete Rwayom Bondie?
Pandan so minister lor later, Zezi ti ansegn lor Rwayom Bondie plis ki ninport ki lezot size. Pandan plizir siek, so bann disip finn priye pou ki sa Rwayom-la vini.
LATOUR DEGARD
Ki Rwayom Bondie Pou Fer?
Zezi ti kone ki se zis Rwayom Bondie ki kapav regle bann problem ki ena lor later. Ki Rwayom Bondie finn deza fer pou rasir nou?
LATOUR DEGARD
Rwayom Bondie—Enn Gouvernman kot Pena Koripsion
KISANNLA NOU ETE?
Kifer Li Bon Etidie Labib?—Long Version
Labib pe donn bann milyon dimounn partou dan lemond bann repons konsernan bann kestion inportan dan lavi. Eski ou ti pou kontan gagn sa bann repons-la ou osi?
