«Тӱнясе кугыжаныш мемнан Господьнан да Тудын Христосшын Кугыжанышыже лийын» (Почмаш 11:15, У Сугынь ден Псалтырь, 1986).

«Тудо пеш кугу лиеш да Кӱшнысӧ Юмын Эрге манын лӱмдалтеш. Господь Юмо Тудлан Давид ачажын престолжым пуа. ...Тудын кугыжа улмыжлан мучаш ок лий» (Лукан 1:32, 33, У Сугынь, 2007).

• Чынлык почеш вуйлатен шогымашым, кудо тендан илышдам саемден кертеш (Лукан 11:28).

• Толшашлык у тӱняште пеш сай тазалыкым да пиалым (Почмаш 21:3, 4).

Лиеш, да тидлан эн шагалже кок амал уло:

• Иисус Христос ончыктен, мом Юмын Кугыжаныш калыклан ышта. Юмын Кугыжанышыже толжо да Юмын эрыкше, але тудын шонен пыштымашыже, мланде ӱмбалнат шукталтше манын, шке почеш кайыше-влакшым Иисус кумалаш туныктен (Матфейын 6:9, 10). Тиде кумалмашлан могай вашмут лиеш манын, Иисус, Юмын Кугыжанышын Вуйлатышыже семын, шке пашаже гоч ончыктен.

  Мланде ӱмбалне илымыже годым Иисус шужышо-влакым пукшен, черле-влакым паремден, эсогыл колышо-влакымат ылыжтарен! (Матфейын 15:29—38; Иоаннын 11:38—44). Тыгела Иисус ончылгоч ончыктен, могай чапле илышым Юмын Кугыжаныш шке калыкшылан пуа (Почмаш 11:15).

• Тӱнямбалысе событий-влак Юмын Кугыжанышын вашкен толмыжым ончыктат. Юмын Кугыжанышын мланде ӱмбаке тыныслыкым кондымыжо деч ончыч айдеме тукым сар, шужымаш да мланде чытырналтмаш дечын орланаш тӱҥалеш манын, Иисус ончылгоч каласен (Матфейын 24:3, 7).

  Лач тидымак ме таче ужына. Сандене, Юмын Кугыжаныш чыла тиде нелылыклан мучашым пышта манын, ме ӱшанен кертына.