«U Dʼiosil a kaʼana bʼel u kaʼa u waʼkuntej a gobʼierno a maʼ yan kʼin u jobʼsabʼälä.» —Daniel 2:44, New World Translation.

«Mejentzil a tzʼabʼi tiʼi toʼon; tu keleebʼal keʼenak a gobʼierno.»—Isaias 9:6; footnote.

• A tojil gobʼierno a yan u kiʼil tiʼi tech.—Isaias 48:17, 18.

• Tumulbʼen yokʼolkabʼ a wataktoj, maʼlo kuxtal y kiʼolal.—Apocalipsis 21:3, 4.

Jajaaʼ, yan kaʼpʼeel kʼuʼkaʼa:

• A Jesus u yeʼa kʼuʼ a bʼel u kaʼa u bʼeteʼ u Gobʼierno a Dʼioso. A Jesusu u kaʼansajooʼ u yaj kambʼal kaʼ uchukooʼ u payajchiʼ kaʼ talak u Gobʼierno a Dʼioso y kaʼ yanak kʼuʼ u kʼati yokʼolkabʼa. (Mateo 6:9, 10) A Jesusu u yeʼa bʼikiʼ ti bʼel u kaʼ nuukbʼäl a payajchiʼ abʼeʼe.

  Leʼek ti tali yokʼolkabʼa, a Jesusu u tzeenta a wiʼijooʼ, chʼanesaj a kʼojaʼan y yan a kimen u likʼsaj! (Mateo 15:29-38; Juan 11:38-44) Jesus u Reyil u Gobʼierno a Dʼios a wataktojo, u yeʼa u kichʼpanil a wataktoj tiʼi mak a keʼenakooʼ yalam u Gobʼierno.—Apocalipsis 11:15.

• Leʼek kʼuʼ a tan tuwich a yokʼolkabʼa tan u yeʼik ti seebʼaʼan u tal u Gobʼierno a Dʼioso. Jesus ak u yadʼaj antes u talesik a jetzʼaʼanʼoolil yalam u Gobʼierno, a yokʼolkabʼa tudʼaʼanak etel pʼisbʼaj, wiʼijil, y yukʼlaj.—Mateo 24:3, 7.

  Leʼek abʼeʼe a tan ti wilik aleebʼe. Jedʼeʼek u mukʼaʼantal ti tzʼoksaj ti leʼek u Gobʼierno a Dʼioso seebʼaʼan u laj jobʼsik tulakal a probʼlema jabʼix abʼeʼe.