“Yĩngr Soaalã na n yalsa a rĩung sẽn ka na n wã bada.”—Daniɛll 2:44, Sebr Sõngo.

‘B roga biig n kõ-do . . . Soolem soogr na n zĩnda yẽ zugu . . . Yẽ soolem paadame.’—Ezai 9:5, 6.

•  Goosneem kãng rĩmã na n dɩɩ naam ne tɩrlem yãmb mengã neer yĩnga.—Ezai 48:17, 18.

•  Y na n paam n vɩɩmda dũni-paalg pʋgẽ, n tar laafɩ la sũ-noogo.—Wilgri 21:3, 4.

N-ye. Ad bʋʋm a yiibu:

• A Zezi togsa Wẽnnaam Rĩungã sẽn na n maan bũmb ninsã. A yeela a karen-biisã tɩ b pʋʋs tɩ Wẽnnaam soolmã wa, tɩ Wẽnnaam daabã maan tẽngã zugu. (Matɩe 6:9, 10) A Zezi maana bũmb wʋsgo, n wilg vɩɩmã sẽn na n yɩ to-to, pʋʋs-kãngã sã n wa pidsi.

  A sẽn wa n be tẽngã zugã, a rɩlga neb kom sẽn da tare, n sãoog bãase, la a vʋʋg neb sẽn da ki! (Matɩe 15:29-38; Zã 11:38-44) A Zezi n na n yɩ Wẽnnaam Rĩungã naaba. A sẽn maanã wilga nebã sẽn na n paam bũmb ninsi, soolem kãng sã n wa.—Wilgri 11:15.

• Vɩɩmã sẽn lebg to-to dũniyã zugã yaa kaset tɩ Wẽnnaam Rĩungã waoong kolgame. A Zezi ra pĩnd n yeelame tɩ nand tɩ Wẽnnaam Rĩungã wa tɩ laafɩ zĩnd tẽngã zugu, dũniyã na n pida ne zaba, kom la tẽn-digimdgu.—Matɩe 24:3, 7.

  Tõnd sɩd nee bõn-kãensã fãa rũndã-rũndã. Woto kɩtame tɩ d tõe n kɩs sɩd tɩ ka la bilfu, Wẽnnaam Rĩungã na n waame, tɩ yel-kãensã fãa sa.