Oshilonga shaKalunga oshike?
Oto ka tya ngiini uuna wa pulwa epulo ndyoka . . .
-
mbela oto ka tya oshinima shi li momutima gwoye?
-
nenge oto ka tya ehalo lyaKalunga?
-
nenge oto ka tya epangelo lyomegulu?
SHOKA OMBIIMBELI TAYI TI
‘Kalunga komegulu ota ka dhika po oshilongo, [nenge uukwaniilwa] mboka waa na hulilo.’— Daniel 2:44, yelekanitha NW.
‘Otwa pewa omumati! Epangelo lye, oli li komapepe ge.’— Jesaja 9:6.
UUWANAWA MBOKA TO VULU OKUMONA UUNA WU SHI KUTYA UUKWANIILWA WAKALUNGA OSHIKE
-
Oto ka mona kutya uukwaniilwa owu li epangelo ndyoka tali vulu oku ku etela uuwanawa paumwene.— Jesaja 48:17, 18.
-
Muuyuni uupe mboka tawu ya, sho uukwaniilwa waKalunga tawu ka pangela, oto ka kala wu na uukolele wi ihwapo nowu na ombili.— Ehololo 21:3, 4.
MBELA OTU NA NGAA SHILI OKWIITAALA SHOKA OMBIIMBELI TAYI TI?
Eeno, opu na omatompelo ogendji, ihe natu tale owala gaali gomugo:
-
Jesus okwa popya shoka Uukwaniilwa waKalunga tawu ka ninga. Jesus okwa longa aalanduli ye ya galikane oshilongo shaKalunga shi ye, nenge tu tye, Uukwaniilwa waKalunga wu ye nosho wo ehalo lyaKalunga li gwanithwe kombanda yevi. (Mateus 6:9, 10) Jesus okwa li e shi ulike sho a li kombanda yevi nkene egalikano ndyoka tali ka gwanithwa.
Okwa li a kutitha aasindjala, a aludha aavu nokuyumudha aasi. (Mateus 15:29-38; Johannes 11:38-44) Jesus oye a li ta ka ninga omukwaniilwa, gUukwaniilwa waKalunga gwomonakuyiwa. Sho a li kombanda yevi okwe shi ulika nawa kutya Uukwaniilwa waKalunga otawu ka ningila shike aalelwa yawo.— Ehololo 11:15.
-
Iinima mbyoka tayi ningwa muuyuni otayi ulike kutya masiku Uukwaniilwa waKalunga owu li pokuya. Jesus okwa hunganeka kutya sho Uukwaniilwa waKalunga wu li pokweeta ombili kombanda yevi, muuyuni otamu ka kala iita, ondjala nosho wo omakakamo gevi.— Mateus 24:3, 7.
Iinima mbyoka ohatu yi mono nohatu yi uvu tayi ningwa kunena. Onkee ano, otatu vulu okukala neinekelo lya kola kutya masiku Uukwaniilwa waKalunga otawu ka hulitha po omaupyakadhi agehe ngoka.
TALA KEPULO NDIKA
Onkalamwenyo kombanda yevi otayi ka kala ya tya ngiini ngele Uukwaniilwa waKalunga wa tameke okupangela?
Ombiimbeli otayi gandja eyamukulo mEPISALOMI 37:29 nosho wo muJESAJA 65:21-23.
Opu na ishewe uuyelele mbuka
ESSENTIAL BIBLE TEACHINGS
Uukwaniilwa waKalunga oshike?
Sho Jesus a li tu uvitha kombanda yevi, okwa popi unene kombinga yUukwaniilwa waKalunga shi vulithe iinima yilwe. Uule womimvo omathele aalanduli ye oya kala nokugalikana Uukwaniilwa mboka wu ye.
OSHUNGOLANGELO
Uukwaniilwa waKalunga otawu ka gwanitha po shike?
Jesus oku shi kutya Uukwaniilwa waKalunga owo owala epangelo ndyoka tali vulu okukandula po omaupyakadhi kombanda yevi. Uukwaniilwa mboka owa gwanitha po nale shike shoka tashi tu ningitha tu kale tu na omukumo?
OSHUNGOLANGELO
Uukwaniilwa waKalunga, epangelo kaali na uulingilingi
Iinima ihamano mbyoka Uukwaniilwa mbuka tawu ka ninga otayi ulike kutya otawu ka kala aluhe kaawu na uulingilingi.
KOMBINGA YETU
Omolwashike wa pumbwa okukonakona Ombiimbeli?
Ombiimbeli otayi kwathele aantu omamiliyona ya mone omayamukulo gomapulo ga simana monkalamwenyo. Mbela nangoye owa hala okumona omayamukulo gomapulo ngoka?
