“Mwali wokudenga unoomisa bushe busino palajwa.”—Daniyeli 2:44, New World Translation.

“Unooba unkulwana, akale unooshobwa ewhi Mwananhulumyana wooyo woPezhulu-zhulu; Mwali She [unoompa] chibhula chobushe . . . nobushe bubwe abutoopela.”—Luka 1:32, 33, IBhayibhili Ijena.

• Uchaba pasi pehulumende imbodo inookubhancha iwi womene.—Izaya 48:17, 18.

• Uchaba nobupenyu bulopelelela, bunalushanto munyika impya.—Zwakatondejelwa 21:3, 4.

Ichokomende nozutondejelo zubili:

• Jesu wakatondejela yozo zuchootiwa noBushe bwaMwali. Jesu wakalayija batobeli babe kuti benamatile Bushe bwaMwali kuti buzhe akale kuda kukwe Mwali kutiwe penyika. (Mateu 6:9, 10) Jesu wakatondejela kuti unamato yoyu uchooshandulwa chini.

  Echipenyika, wakapa banhu bakabeli nenzhala zokulya, akachija banolwala, akale nokumusa bakafa! (Mateu 15:29-38; Johani 11:38-44) SoNtongi woBushe bwaMwali, bonshaji unozha, Jesu wakatondejela zuchootilwa banhu pachabetonga.—Zwakatondejelwa 11:15.

• Zumutikana penyika zumutondejela kuti Bushe bwaMwali bwaboloswika. Jesu wakaleba nozutondejelo zuchotikana Bushe busanu bwaswika kuti bubuze lunyalalo penyika, kunoba nehondo munyika yose, inzhala nokuteketa kwenyika.—Mateu 24:3, 7.

  Tumuzubona zutondejelo yozu zutikana nasi. Tingaba nechibimbo chokuti Bushe bwaMwali bwaba pelyo kupeja masheto ose apo penyika.