Ngimba Ubunyafyale bwa Kyala Findu Fiki?
Ngimba mubaghile ukuti . . .
-
kindu kimo iki kili mundumbula ya mundu aliwesa?
-
masyu gha kufwanikisya itolo?
-
boma ili lili kumwanya?
ISI IBAIBOLO LIKUYOBA
“Kyala isakubwimikagha ubunyafyale ubu butisa kumalikamo siku.”—Danieli 2:44.
“Tupeghiwe umwana undumyana. Yo isakuyagha ndaghili witu.”—Yesaya 9:6.
NGIMBA UKUMANYA ISI KUBAGHILE UKUTUTULA BULEBULE?
-
Boma iligholofu ili libaghile ukubatula umwe pamwibene.—Yesaya 48:17, 18.
-
Nkisu ikipya, tukwisa pakuya nu bumi ubununu.—Ubusetuli 21:3, 4.
NGIMBA TUBAGHILE UKUSUBILA NALOLI ISI IBAIBOLO LIKUYOBA?
Ena. Nongwa yafiki tukuti ena?
-
Yesu ayobile isi Ubunyafyale bwa Kyala bukwisa pakubomba. Yesu abamanyisye abafundiwa bake ukuti biputeghe ukuti Ubunyafyale bwa Kyala bwiseghe nu kuti ubwighane bwake bubombiweghe pasi apa. (Matai 6:9, 10) Yesu anangisye muno Kyala ikwisa pakwamulila ulwiputo ulu.
Bo ali pa kisu apa, Yesu abapele ifyakulya abandu aba bali ni njala, ababumbulwisye ababine nu kubasyusya abafwe. (Matai 15:29-38; Yohani 11:38-44) Ukuya Mwalafyale wa Bunyafyale bwa Kyala, Yesu anangisye isi Ubunyafyale ubu bukwisa pakubomba linga bwandile ukulaghila.—Ubusetuli 11:15.
-
Ifindu ifi fikubombiwa pakabalilo aka, fikunangisya ukuti Ubunyafyale bwa Kyala buli pipi ukwisa. Yesu ayobile ngani ukuti bo Ubunyafyale busyele panandi itolo ukwisa, nkisu iki mwisakuyagha injala, ubwite nu tusenyenda.—Matai 24:3, 7.
Fyo ifi fikubombiwa amasiku agha. Yonongwa yake tuli nu lusubilo ukuti Ubunyafyale bwa Kyala bukuya pakusosyapo indamyo syosa isi.
AMWINONG’ONELEPO
Ngimba ubumi bukwisa kuyagha bulebule mu Bunyafyale bwa Kyala?
Ibaibolo likwamula ilalusyo ili pa SALIMO 37:29 na pa YESAYA 65:21-23.
Lumo Mubaghile Ukulonda Ukumanya Isya Nkhani iyi
ESSENTIAL BIBLE TEACHINGS
Ngimba Ubunyafyale bwa Kyala Findu Fiki?
Ubufumusi bwake bosa, Yesu amanyisyagha fiyo isya Ubunyafyale bwa Kyala. Kwa fyinja fingi, aba bikunkonga bikwiputa ukuti Ubunyafyale bwake bwiseghe.
ISYA USWE
Nongwa Yafiki Mukulondiwa Ukumanyila Ibaibolo?
Ibaibolo likwamula amalalusyo gha bandu amamiliyoni mingi pa kisu kyosa. Ngimba nanumwe mukulonda ukwamuliwa amalalusyo ghinu?
ISI IBAIBOLO LIKUMANYISYA
Ukumanyila Ibaibolo
Amwande ukumanyila Ibaibolo munjila iyakuyobesania kisita kulipila.
