Ena Akura Buɛ̄-mɛnɛ Bari Ani?
O bee kɔ ɛɛ na . . .
-
ziī nu a le bu o benyiɛ ni?
-
ziī nu a tɔɔ̄ dɔ nu ni?
-
ziī bɛbɛɛ a le li bunyɔɔ ni?
NU BAIBOL KƆ
“Bari lo bunyɔɔ gaa le wu ziī buɛ̄-mɛnɛ sere lo a naale edap lu egbee ina deedee.”—Daniel 2:44.
“Ziī nwiīnɛɛdam elua enɛ ī; e bɛbɛɛ gaa le le ye nyɔɔ gaŋana.”—Aisaia 9:6.
NU LO AMA ADAP KURA NƐ
-
Ziī bɛbɛɛ kaāna dogo lo a edɔbiī nɛ taɛ olo.—Aisaia 48:17, 18.
-
Bu aā nyɔuwe a gaa lu li, o tɔɔ̄dum bu mmɛɛ̄ nwanaloo le ɛɛbu.—Mumuuna 21:3, 4.
I DAPGE YIGA KƆ NU BAIBOL KƆ AMA LU KAKA NI?
Aiī, a ɛrɛ baɛ nu anua i dap yiga:
-
Jizɔs bee tɔgɛ nu Buɛ̄-mɛnɛ edoo mmɛnɛ. Jizɔs bee tɔgɛ pya a wee ye nyɔɔnɛ dumɛ kɔ ba a yere kara bara kɔ Buɛ̄-mɛnɛ Bari alu le kɔ ekɛɛrɛ Bari a dooa a nyɔɔ kɛnɛkɛ̄. (Matiu 6:9, 10) Jizɔs bee tɔgɛ siā kɛ̄ lo kara elu e’agara doo.
Sɔ̄ abee le a kɛnɛkɛ̄, Jizɔs bee nɛ nuede pya loo lɛɛ, a boh pya loo dumɛ, sa doo kɔ pya a bee u a sikɛ̄ tɔɔ̄dum! (Matiu 15:29-38; Jɔn 11:38-44) Doodoo mɛnɛ ebɛɛ Buɛ̄-mɛnɛ Bari li deesi, Jizɔs bee doo kɔ alu e bagara muɛ̄ pya lele nu lo Buɛ̄-mɛnɛ gaa le doo nɛ pya a ye le kɛɛ̄. —Mumuuna 11:15.
-
Kɛtɔɔ̄ nyɔuwe tɔgɛ siā kɔ Buɛ̄-mɛnɛ Bari esaa elu. Jisus bee bagara kɔ sere kɛ̄ kɔ, sɔ̄ Buɛ̄-mɛnɛ esaa esu efɛɛloo nua a kɛnɛkɛ̄, nɔ̄, kii, le nyɔŋa kɛnɛkɛ̄ enɛ taāŋa nyɔuwe ama.—Matiu 24:3, 7.
I gaa muɛ̄ pya kɛtɔɔ̄ ama anii’ee. Nyɔɔwo, i yira agɛrɛ kɔ Buɛ̄-mɛnɛ Bari esaa e mmɛɛ̄ kuma dɛ̄dɛɛ̄ dua taāŋa ama.
NAA KƐƐRƐ
Dum e mɛā doodoo wa kɛɛ̄ bɛbɛɛ Buɛ̄-mɛnɛ Bari ni?
Baibol ture ebip ama bu kpa LE-YƆƆ 37:29 le AISAIA 65:21-23.
You May Also Like
NU AI KIILOO
Ena Anua I Nɔ̄ Kpa Baɛbɛl Ani?
Kpa Baɛbɛl gaa yerebah nɛ gbɛnɛkpo miliɔn pya nɛɛ bu yube nyɔuwe loe gbī ture pya gbɛnɛ-gbɛnɛ ebip bu dum muɛ̄. Enia age lo elu ziī aba ni?
