Kico e Reino di Dios Ta?
E Reino ta ...
-
algo den bo curason?
-
e boluntad di Dios?
-
un gobierno den cielo?
LOKE BIJBEL TA BISA
“E Dios di cielo lo lanta un reino cu nunca lo no wordo destrui.”—Daniel 2:44, Beibel Santu.
“Un yiu homber ta duna na nos, y e gobernacion lo ta riba su schouder.”—Isaias 9:6.
LOKE ESAKI POR NIFICA PA NOS
-
Un gobierno husto cu lo beneficia nos personalmente.—Isaias 48:17, 18.
-
Un bida feliz y cu salud perfecto den e binidero mundo nobo.—Revelacion 21:3, 4.
DI BERDAD NOS POR KERE LOKE BIJBEL TA BISA?
Si, tin por lo menos dos motibo:
-
Hesus a mustra kico e Reino di Dios lo haci. Hesus a siña su siguidornan pidi pa e Reino di Dios bin y pa e boluntad di Dios sosode riba Tera. (Mateo 6:9, 10) Hesus a mustra con Dios lo contesta e oracion ey.
Tempo cu Hesus tabata riba Tera, el a alimenta hende cu tabatin hamber, cura hende enfermo y lanta hende for di morto! (Mateo 15:29-38; Juan 11:38-44) Como futuro gobernante di Dios su Reino, Hesus a duna nos un idea di e cosnan bunita cu e Reino lo haci pa su ciudadanonan.—Revelacion 11:15.
-
Sucesonan mundial ta indica cu e Reino di Dios lo bin pronto. Hesus a profetisa cu poco prome cu e Reino trece pas riba Tera lo tin guera, hamber y temblor.—Mateo 24:3, 7.
E sucesonan ey ta bisto awe. Pesey nos ta mas convenci cu nunca cu pronto e Reino di Dios lo trece fin na tur e problemanan ey.
ALGO PA PENSA ARIBA
Con bida lo ta bou di e Reino di Dios?
Bijbel ta contesta e pregunta ey na SALMO 37:29 y ISAIAS 65:21-23.
You May Also Like
E TOREN DI VIGILANCIA
Kico e Reino di Dios Lo Logra?
Hesus tabata sa cu e Reino di Dios ta e unico gobierno cu por resolve e problemanan cu tin riba Tera. Kico e Reino a haci caba cu ta duna nos e confianza ey?
PREGUNTA CU BIJBEL TA CONTESTA
Kico Lo Trece Paz na Mundo?
Haya sa con Dios ta priminti pa trece paz na mundo pa medio di su Reino.
E TOREN DI VIGILANCIA
E Reino di Dios
Seis aspecto di e Reino di Dios ta mustra cu nunca e Reino aki lo bira corupto.
TOCANTE NOS
Dicon Analisa Loke Bijbel Ta Bisa?
Bijbel ta duna contesta pa e preguntanan importante di bida na miyones di hende rond mundo. Abo kier ta un di nan?
