Ke ki Renu di Deus?
Bu pensa i . . .
-
un kusa ku sta na no korson?
-
un lugar na seu?
-
un guvernu ku sta na seu?
KE KI BIBLIA FALA
“Deus di seu na lantanda utru renu ku nunka ka na danadu.” — Daniel 2:44, Bíblia no Crioulo da Guiné-Bissau.
“No dadu un fiju. Puder di guberna sta riba di si ombras”. — Isaias 9:6.
KUMA KES PUDI BENEFISIAU
-
Un guvernu justu ku pudi benefisiau. — Isaias 48:17, 18.
-
Vida ku saudi perfeitu i ku filisidadi na novu mundu ku na bin. — Apokalipsi 21:3, 4.
NO PUDI NA BARDADI FIA NA KE KI BIBLIA FALA?
Sin, pelu menus pa dus rason:
-
Jesus mostraba ke ku Renu di Deus na bin fasi. Jesus sinaba si disipulus pa ora pa Renu di Deus bin i pa vontadi di Deus fasidu na Tera. (Mateus 6:9, 10) Jesus mostraba kuma ku es orason na bin ruspundidu.
Ocalba na Tera, Jesus alimentaba kilis ku tene fomi, i kura duentis, i lantanda mortus! (Mateus 15:29-38; Jon 11:38-44) Jesus mostranu asin, bon kusas ki na bin fasi pa jintis ora ki na guverna suma futuru Rei di Renu di Deus. — Apokalipsi 11:15.
-
Kondisons di mundu ta mostra kuma Renu di Deus pertu bin. Jesus kontaba ja kuma antis di Renu tisi pas na Tera, e mundu na ciu geras, fomi ku tirmidura di con. — Mateus 24:3, 7.
Aos no sta na oja es kusas. Asin no pudi konfia di kuma Renu di Deus pertu kaba ku tudu es purblemas.
PENSA NES
Kuma ku vida na sta bas di guvernason di Renu di Deus?
Biblia ruspundi es purgunta na SALMU 37:29 ku ISAIAS 65:21-23.
No pensa kuma bu na gosta des tambi
ESSENTIAL BIBLE TEACHINGS
Ke ki Renu di Deus?
Duranti si ministeriu, Jesus nsina aserka di Renu di Deus mas di ki kualker utru asuntu. Pa sekulus, si sigiduris ora pa ki Renu bin.
ASERKA DI NOS
Pabia ki Bu Dibi di Studa Biblia?
Manga di jintis na mundu ntidu oja rasposta ku Biblia da pa purguntas mas importantis di vida. Bu misti sedu un des jintis?
