¿Diospaj Mandanaca imataj can?
¿Imatataj ninguiman...
-
... yanga parlolla?
-
... jahua pacha mandana?
-
... imachari?
BIBLIACA NINMI
‘Jahua pacha Taita Diosca nunca pi mana chingachina mandanatami churanga’ (Daniel 2:44, Biblia en Quichua Chimborazo, 2010).
‘Ñucanchijmanca churitamari cushca. Paipaj maquipimari mandanataca churashca’ (Isaías 9:6).
CAITA CRINACA ¿IMA SHINATAJ AYUDAN?
-
Churica alli mandaj cashcamantami cada unota ayudanga (Isaías 48:17, 18).
-
Ñallami paraíso Allpapi cushilla, ungüicuna illaj causachun ayudanga (Apocalipsis 21:3, 4).
¿BIBLIA YACHACHISHCATA CRINACHU CANCHIJ?
Ishqui yuyaicunata ricushun:
-
Diospaj Mandana imata ruranatami Jesusca ricuchirca. Jesusca paita catijcunamanca, Diospaj Mandana shamuchun, Diospaj munai cai Allpapi pajtarichun nishpa mañanguichij nircami (Mateo 6:9, 10). Shinallataj Diospaj Mandana imata ruranatami ricuchirca.
Jesús Allpapi cashpaca yaricaihuan cajcunamanmi micunata cararca, ungushcacunatami jambirca, huañushcacunatapish causachircami (Mateo 15:29-38; Juan 11:38-44). Chashnami Jesusca Diospaj Mandanapi mandacushpa imallata ruranata ricuchirca (Apocalipsis 11:15).
-
Cai pachapi tiyaj llaquicunaca Diospaj Mandana ñalla mandai callarinatami ricuchin. Jesusca cashnami nirca: Diospaj Mandana cai Allpata mandai callaringapajca, jatun macanacuicuna, yaricaicuna, allpa chujchuicunami tiyanga nircami (Mateo 24:3, 7).
Chai llaquicunataca cunanmi ricucunchij. Chaimantami Diospaj Mandana ñalla tucui llaquicunata tucuchina cashcata yachanchij.
CASHNA TAPURI
¿Diospaj Mandana mandacujpica ima shinashi causashun?
Cai versocunata mashcai PROVERBIOS 2:21; ISAÍAS 65:21-23.
Puede que también le interese
BIBLIAMANTA IMPORTANTE YACHAICUNA
¿Diospaj Mandanaca imataj can?
Jesús cai allpapi cashpaca, Diospaj Mandanamantami cutin cutin yachachirca. Jesusta catijcunaca cai Mandana shamuchunmi mañashcacuna.
HUILLAJ
¿Diospaj Gobiernoca imatataj ruranga?
Jesusca Diospaj Gobiernolla cai Allpapi tiyaj tucui llaquicunata tucuchina cashcatami yacharca. ¿Yaya Diosca paipaj gobiernopi confiachunca imatataj rurashca?
BIBLIAMANTA TAPUICUNA
¿Cai Allpapica ima shinashi tranquilo causai tiyanga?
Diospaj Gobierno sumaj causaita apamugrishcata yachai.
ÑUCANCHIJTA RIJSI
Video: ¿Imamantataj Bibliamanta yachana canchij? (Video completo)
Achca gentecunami Bibliamanta yachashpa paicunapaj tapuicunata ña cutichishca. ¿Canpish cambaj tapuicunata Bibliahuan cutichichun munanguimanchu?
BIBLIAMANTA YACHAICUNA
Cai publicacionhuan Bibliamanta yachai
Shuj yachachijhuan Bibliamanta gratis yachai.
