“Janaq pacha Diosqa juj gobiernotan sayarichinqa, chay gobiernoqa manan jayk’aqpas ch’usaqyachisqachu kanqa”, nispa (Daniel 2:44, Mosoq Pacha Biblia).

“Diosmi juj qhari wawata qowanchis; paypa makinpin kamachikuyqa kanqa”, nispa (Isaías 9:6).

• Diospa gobiernonqa sapankanchistan yanapawasun (Isaías 48:17, 18).

• Pisi tiempollamantan mosoq pachapi kausasun, chaypiqa manan onqosunchu, llapanchispas kusisqan kausasun (Apocalipsis 21:3, 4).

Arí confiasunmanmi, ichaqa ¿imaraykun confiananchis?

• Jesusmi rikuchirqan Diospa gobiernon imakuna ruwananta. Qatikuqninkunatan nirqan chay gobiernota mañakunankupaq, jinallataq Diospa munaynin kay pachapi ruwakunanta mañakunankupaqwan (Mateo 6:9, 10). Chaymantapas Jesusqa rikuchirqanmi imakunatas Diospa gobiernon ruwanqa chayta.

  Jesús kay jallp’api kashaspaqa yarqasqakunatan mijuchiq, onqosqakunatan jampiq, wañusqakunatapas kausarichiqmi (Mateo 15:29-38; Juan 11:38-44). Chaykuna ruwasqanpin sut’ita rikuchirqan Diospa gobiernonpi pay kamachiqtin sumaq kausay kananta (Apocalipsis 11:15).

• Kay pachapi imaymana pasasqanmi rikuchin pisi tiempollamanta Diospa gobiernon chayamunanta. Jesusmi willarqanña Dios kamachikamunanpaq pisillaña kashaqtin guerrakuna, terremotokuna, yarqaypas kananta (Mateo 24:3, 7).

  Rikusqanchis jina chaykunaqa kay tiempopin pasashan. Chaymi sut’ita rikuchiwanchis Diospa gobiernonqa cercapiña kashasqanta, pisi tiempollamantan llapa mana allin ruwaykunata chinkachipunqa.