So i e Devleskoro Carstvo?
So ka vakere tu...
-
na džanava?
-
nesavi paramis?
-
vlada ko nebo?
SO VAKERELA I BIBLIJA
„O Devel so i ko nebo ka vazdel carstvo so niked nane te ovel uništimo“ (Daniel 2:44).
„Leske [e Isuseske] sine dendi vlast, čest hem carstvo, te služinen leske sa o narodija, o plemija hem o čhibja“ (Daniel 7:14).
SO ZNAČINELA AKAVA TUKE
-
Pravedno vlada so ka grižinel pe te ovel tuke šukar (Isaija 48:17, 18).
-
Ko nevo sumnal nane te ove nasvalo hem ka ove bahtalo (Otkrovenie 21:3, 4).
ŠAJ LI TE VERUNJA E BIBLIJAKE?
Oja, najhari taro duj pričine:
-
O Isus sikavgja so ka kerel e Devleskoro Carstvo. O Isus vakergja pe učenikonge te molinen pe te avel e Devleskoro Carstvo hem te kerel pe e Devleskiri volja ki Phuv (Matej 6:9, 10). Ov sikavgja sar ka phergjol akaja molitva.
Džikote sine o Isus ki Phuv, ov parvargja e bokhalen, sasljargja e nasvalen hem vazdingja e mulen taro meribe! (Matej 15:29-38; Jovan 11:38-44). Sar vladeteli ko e Devleskoro Carstvo, o Isus but šukar sikavgja so ka kerel o Carstvo sa e manušenge so mangena ov te vladinel (Otkrovenie 11:15).
-
O bukja so ovena ko sumnal sikavena kaj sigate ka avel e Devleskoro Carstvo. O Isus vakergja kaj angleder o Carstvo te anel mir ki Phuv, ko sumnal ka oven mariba, bokhalipa hem zemjotresija (Matej 24:3, 7).
Adala bukja dikhaja len avdive. Adaleske, šaj te ova sigurna kaj e Devleskoro Carstvo sigate ka anel krajo sa akale problemenge.
RAZMISLIN
Savo ka ovel o dživdipe keda ka vladinel e Devleskoro Carstvo?
O odgovor tari Biblija bašo akava pučibe šaj te arakhe ko PSALM 37:29 hem ISAIJA 65:21-23.
Šaj isto ka interesinel tut
OSNOVNA BIBLISKA SIKLJOJBA
Soj e Devleskoro Carstvo?
Džikote sine o Isus ki služba, ov kerela sine najviše lafi bašo e Devleskoro Carstvo. Vekoncar, leskere učenikija molinena pe sine te avel o Carstvo.
STRAŽARSKO KULA
So ka kerel e Devleskoro Carstvo?
O Isus džanlja kaj e Devleskoro Carstvo tani i edinstveno vlada so šaj te rešinel o problemija ko sveto. So više kerela e Devleskoro Carstvo te šaj te bajrarel amari doverba ki leste?
AMENGE
Soske te sikljove tari Biblija?
I Biblija pomožinela bute manušenge ko celo sumnal te arakhen odgovorija bašo najvažna pučiba. Mangea li tuke da te pomožinel?
