„O nebesko Devel ka vazdel o kraljevstvo kova niked na ka ovel uništimo“ (Danilo 2:44, prevod Novi svet)

„Dobinđam e murše, kova ka ovel le vlast ano vasta“ (Isaija 9:6; fusn.)

• Odija pravedno vladavina ka anel tuće baro šukaripe (Isaija 48:17, 18)

• Ko nevo sveto kova ka avel, ka ovel tut savršeno sastipe hem ćaće ka ove bahtalo (Otkrivenje 21:3, 4)

Ja, ando najhari duj razlogija:

• O Isus mothovđa so ka ćerel e Devleso Kraljevstvo. Ov sikavđa pe učenikonen te molinen pe te avel e Devleso Kraljevstvo hem e Devlesi volja te ćerel pe ki phuv (Matej 6:9, 10). O Isus mothovđa sar o lafija kotar odija molitva ka ispuninen pe.

  Ked hine ki phuv, o Isus parvarđa e bokhale manušen, saćarđa e nabormen hem irinđa e mulen ko đivdipe (Matej 15:29-38; Jovan 11:38-44). Sar budućo Kralj ando e Devleso Kraljevstvo, o Isus mothovđa so ka ćerel odova Kraljevstvo aso manuša upro kola ka vladini (Otkrivenje 11:15).

• O buća kola desinena pe ko sveto mothovena so pana hari ka avel e Devleso Kraljevstvo. O Isus prorekninđa so angleder so e Devleso Kraljevstvo ka anel mir ki phuv, ko sveto ka oven mariba, bokhalipa hem zemljotresija (Matej 24:3, 7).

  Amen dikhaja so odola buća desinena pe avdije. Odolese, šaj te ova sigurna so pana hari e Devleso Kraljevstvo ka cidel sa odola problemija.