“O Del ando cheri anela iek Amperetsia ke shojar chi avela peradi” (Daniel 2:44, Traducción del Nuevo Mundo).

“Baro avela ai akharena les O Shav le Devlesko kai si opre. O Del kerela anda leste amperato [...] ai leski amperetsia shoxar chi getolpe!” (Luk 1:32, 33, E Lashi Viasta).

• Kacha Amperetsia chachi kai zhal vorta si te azhutil ka suako anda amende (Isaías 48:17, 18).

• E Amperetsia si te kerel te trais savorhe veselime ande iek nevi lumia kai chi mai avela nasualimos (Sicharimos [Apokalipsos] 21:3, 4).

Ei, akana ferdi phenas dui:

• O Jesus sikadias so si te kerel e Amperetsia le Devleski. Vo sichardias peske disiplon te rhugin  te avel e Amperetsia le Devleski ai te kerdiol e voia le Devleski pe Phuv (Mate 6:9, 10). Vi sikadias sar si te kerdiol chacho godo so von mangenas.

  Kana sas pe Phuv, o Jesus pravardias le bokhalen, sastiardias le nasualen ai na numa godo, dias o traio pale godolen manushen kai jaisaile (Mate 15:29-38; Iovano 11:38-44). Sar vo si te avel o Amperato anda e Amperetsia le Devleski, sikadias uni anda le lashe dieli kai godia Amperetsia si te anel godolen manushenge kai lenpe pala leste (Sicharimos [Apokalipsos] 11:15).

• Sa so si agies ande lumia sikavel pra mishto ke e Amperetsia le Devleski avel ande jantsi vriama. O Jesus phendias ke e Amperetsia le Devleski si te anel pacha pe Phuv, numa mai anglal te avel godo, phendias ke e lumia sas te avel pherdo mundarimos, bokh ai ande but thana izdrala e Phuv (Mate 24:3, 7).

  Sa godola dieli dikhas agies. Anda godia shai zhanas chachimasa ke pa tsirha vriama e Amperetsia le Devleski si te lasharel sa te na mai aven kasavendar dieli.